ئیرۆ 29 مین سالڤەگەرا بەرخوەدانا هه‌ولێرێ ل دژی پلانا هەڤبەش یا ئیرانێ یا ب پێشەنگیا یه‌نه‌كێ یا ژ بۆ داگیرکرنا هه‌ولێرێ یە.
ئۆپەراسیۆنا هه‌ولێرێ یا 31ێ تەباخێ، کو د دیرۆکێ دا هەر چەند هاتبیتە مانیپۆلەکرن ژی، لێ د راستییێ دا رێ ل بەر ستاتۆیا هەرێما کوردستانێ یا ئیرۆ و بلندبوونا هه‌ولێرێ بۆ ناڤەندەکا سەرەکی ل رۆژهلاتا ناڤین ڤەکر. ژ بەر کو پێنگاڤا هه‌ولێرێ هەم پیلانێن ئیرانێ و هەم ژی هێزا ناڤخوەیی یا جەحش و مافیایان ژ هۆلێ راکر.
گرنگی و رۆلا پێنگاڤا هه‌ولێرێ د دیرۆکا نێزیک یا کوردستانێ دا د باندۆرا وێ یا ل سەر نەتەوەیا کورد دا هێژ زێده‌تر ئاشكه‌را دبیت، تایبه‌ت دەما کو رەوشا سیاسی یا هەیی یا ل سلێمانیێ تێ ل بەرچاڤ گرتن. پەڤچوونا د ناڤبەرا تالابانییێن پسمام دا ل ئۆتێلا لالەزار ل سلێمانیێ د 21-22ێ تەباخێ دا و شەرێ ناڤخوەیی یێ مینا مافیایان یێ د ناڤبەرا پسمامان دا د 10 سالێن بۆری دا و هه‌روه‌ها كێشانا سلێمانی بۆ ناڤا ڤێ تاریاتییێ، ڤێ خالێ زێده‌تر زەلال دکەت. پێنگاڤا 31 کی تەباخێ نەهشت هه‌ولێر ژی مینا سلێمانییێ ببیته ناڤەندەکا مافیایا سیاسی.
ئێریشێن رژێما ئیراقێ ل سەر کوردستانێ ل سەر خه‌تا 36 هاتن ئاستەنگکرن. پشتی شەری هه‌ژاری پر زێدە بوو و مرۆڤێن کۆچبەر ڤەگەریان مالێن خوە، لێ ژ نوو ڤە ژییان ب زۆری دهات ئافراندن. ل هەر باژاری، گەل د ناڤ خرابەیێن رژێما سەدام دا تێکۆشینا دامەزراندنا ژییانەکا ئازاد دکر.
هه‌ولێر راستی زەحمەتیێن هەره مەزن هات. تالان، دزی، مافیا، رەڤاندن و گەندەلی ل هه‌ولێرێ گه‌له‌ك بەلاڤ بوو. ئەو گه‌هشت وی ئاستی کو مرۆڤان پارچەیێن ئۆتۆمۆبیلێن خوە ژ بۆ كو نەهێنه دزین ژێدکرن و دبرن مالێن خوە. وێنەیێن ئۆتۆمۆبیلەک ل سەر بانی د ئارشیڤێن وی دەمی دا دهێنه دیتن. بەرپرسیارێ سەرەکی یێ ڤێ تاریاتیا کو هه‌ولێر راستی وێ بووی، یه‌نه‌كه بوو، ژ بەر کو هەمی سازیێن ئەولەهیێ د بن کۆنترۆلا یه‌نه‌كێ دا بوون.
یه‌نه‌كه نه‌تەنێ ئارامیا هه‌ولێرێ تێک دا، لێ د هەمان دەمی دا ژ بۆ داگیرکرنا هه‌ولێرێ ژ هێلا ئیرانێ ڤە پیلانه‌كا خایینانە ژی ئامادە کر. یه‌نه‌كێ بریار دا کو ئۆپەراسیۆنەکا هەڤبەش بدەته دەستپێکرن دا کو پارتیێن رۆژهلاتێ کوردستانێ ژ هۆلێ راکەت و د هەمان دەمی دا رێ بدەته هێزێن ئیرانی کو بکەڤنه د ناڤ هه‌ولێرێ دا. لەشکەرێ ئیرانی، جلێن پێشمەرگەیێن یه‌نه‌كێ ل خوە کربوون، یەکینەیێن چەکێ گران ژ سلێمانیێ بەر ب کۆیێ ڤە دەست ب حەرەکەتێ کربوو.
واته، یه‌نه‌كه و ئیران مل ب ملێ هەڤ ئۆپەراسیۆنەکا دژی-کورد دابوو دەستپێکرن.
نها، هن دەردۆر (ب تایبەتی مەدیایا په‌كه‌كێ، کو ب تایبەتی د وەشانێن ب زمانێ ترکی دە) ڤێ راستییێ ڤەدشێرن و ئیدیعا دکه‌ن کو په‌ده‌كه ب ل گه‌ل سەدام کەتنە د هه‌ولێرێ دا. ئەو دخوازن رایا گشتی ب ڤێ درەوێ بده‌نه باوەرکرن. لێبەلێ، په‌ده‌كێ ب تەکتیکا شەری یا ب باندۆر “دەینکرنا پێنووسەک ژ دژمنەکی دا کو دژمنەکی دن تێک ببە” ب کار ئینایه. ئەڤ هەم گاڤەکە سیاسی و هەم ژی پۆله‌تیک بوو.
ب راستی، دەما کو ئەم ئیرۆ ل رەوشا سلێمانی و یه‌نه‌كێ دنێرین، ئەم دکارین ببینن کو ئەڤ کریار چقاس ژ بۆ کورد کوردستانێ گرنگ بوو. ب پێنگاڤا 31ێ تەباخێ، کوردان پیلانه‌كا تاری تێک برن.
و مخابن، ئیرۆ ژی پۆلیتیکایێن مینا وی دەمی یێن یه‌نه‌كێ هەنە. یه‌نه‌كه هێژ ژی ل گه‌ل ئیرانێ هەڤکاریێ دکەت، شریکێ حه‌شدا شه‌عبی یه، و باژارێ کو ئەو برێڤە دبه‌ن مینا ناڤەندەکا مافیایێ یە، و ئەو هێژ ژی دژمناتیا خوە ل هەمبەر هه‌ولێرێ دمەشینن. یه‌نه‌كێ د ئێریشێن مووشەکی یێن ئیرانێ یێن ل سەر هه‌ولێرێ دا رۆلەک گێرا. یه‌نه‌كێ د نەدانا مووچەیێن کارمەندێن هەرێما کوردستانێ دا رۆلەک گێرا. یه‌نه‌كێ د کەتنا حه‌شدا شه‌عبی یا ناڤا كه‌ركووكێ و شه‌نگالێ دا رۆل گێرا. یه‌نه‌كه د دەستێ بافل تالابانی دا بوویە مافیایەکا سیاسی.
واته، یه‌نه‌كه د رەوشەکا خەتەرناک دا دمینیت. چاپەمەنییا یه‌نه‌كێ، چاپەمەنییا په‌كه‌كێ، عەرەبێن شیعه و رژێما ئیرانێ هەول دده‌ن کو بافل تالابانی وەکی سەرۆک پێشکێش بکه‌ن. ڤی بەرەیێ دژه-کورد ل ڤێ داویێ بافل وەک سەرۆکێ “یەکیتیا سۆسیال دەمۆکراتێن جیهانا عەرەب” هلبژارت. دانا هندە قەدر و قیمەتێ دایینا بافل ژ بەر پلانێن وان یێن پاشەرۆژێ نە. بافل دێ بیته ئاموورێ پیلانه‌كا مینا داگیرکرنا هه‌ولێرێ یا 1996ێ. دڤێت کورد هشیار بن. ل هەمبەری ڤێ پلانا خایینانا دڤێت ب روحێ پێنگاڤا 31ێ تەباخێ ئەم تەڤبگەرین.
