رێخستنا په‌كه‌كێ ل گۆری رێككه‌فتنه‌كێ باره‌گه‌هێن خوه یێن ل شه‌نگالێ ب هه‌روه راده‌ستی ئارتێشا ئیراقێ كرن، ژ بۆ كو ت هێزێن دن نه‌كه‌ڤن د شه‌نگالێ ده، په‌كه‌كێ ب ڤێ هه‌نگاڤێ ئاخافتنا خوه یا هه‌رتم ب جیهـ كر كو شه‌نگال به‌شه‌ك ژ ئیراقێ یه و نه كوردستانه!
ل سالا 2017ان و پشتی هێزا پێشمه‌رگه‌هێن كوردستانێ شه‌نگال ژ زۆرا ته‌رۆریستێن داعشێ رزگار كری، هێزا پێشمه‌رگه پشتی ئه‌ركا خوه ب جیهـ كری و ب سه‌دان شه‌هید ژ بۆی شه‌نگال داین، خوه ژ باژێر ڤه‌كێشان، پشتره په‌كه‌كه كه‌ت ناڤ شه‌نگالێ و هه‌ر تشت ل وێ ده‌رێ ل دژی ئێزدییان و جڤاكا شه‌نگالێ ئه‌نجام دا.
په‌كه‌كه: شه‌نگال ئیراقه، نه‌كوردستانه!
ژ وێ ده‌مێ ڤه، رێبه‌رێن په‌كه‌كێ یێن وه‌كه به‌سێ هۆزات هه‌ڤسه‌رۆكا كه‌جه‌كێ و مسته‌فا قاراسۆ، دوران كالكان و جه‌میل باییك ژی د مه‌دیایا په‌كه‌كێ ده د ئاخڤین و ده‌ربارێ شه‌نگالێ د گۆتن: شه‌نگال به‌شه‌ك ژ ئیراقێ یه، شه‌نگال نه‌كوردستانه!.
ل سالا 2020ان ژی حكوومه‌تێن هه‌رێما كوردستانێ و ئیراقێ رێككه‌فتنه‌ك ژ بۆی دوباره ئاڤه‌دانكرنا شه‌نگال و ڤه‌گه‌راندنا كۆچبه‌ران ئیمزه كرن، لێبه‌لێ ژ وێ ده‌مێ ڤه په‌كه‌كێ نه‌هشت ئه‌ڤ رێككه‌فتن وه‌ره بجیهـ كرن و رێ ل به‌ر ڤه‌گه‌رینا نێزێ 300 هه‌زار شێنیێن شه‌نگال كر كو هێژان ژی د كامپان ده دمینن، ته‌ڤی ڤێ ژی شه‌نگال هێژان ئاڤه‌دان نه‌بوویه و وێرانه.
په‌كه‌كێ 11 هه‌زار له‌شكه‌ر و حه‌شد ئینانه شه‌نگالێ
ل دو رۆژێن رابووری فه‌رماندارییا ئارتێشا ئیراقێ 11 هه‌زار له‌شكه‌ر، حه‌شدا شه‌عبی، پۆلیسێن فه‌ده‌رال و ئیستخباراتا ئیراقێ ب چه‌ك و پێویستیێن لۆژستیك ڤه شاندنه شه‌نگالێ، فه‌رماندارییا ئۆپه‌راسیۆنێن نه‌ینه‌وایێ سه‌رپه‌رشتییا ڤێ هێزێ دكه و وان پێشوه‌خت په‌یمانه‌ك ب په‌كه‌كێ ره ژ بۆی راده‌ست كرنا شه‌نگالێ ب ئاوایه‌كی ژێر ب ژێر ئیمزه كرنه.
ل گۆری ئاگاهیێن داركا مازی، په‌كه‌كێ رازی بوویه بێ شه‌رت و مه‌ر‌ج ته‌ڤ هێزێن خوه یێن یه‌به‌شێ، یه‌په‌ژێ و كادرۆیێن رێخستنێ و نوقته‌یێن پشكنینێ و ته‌ڤ باره‌گه‌هێن خوه یێن له‌شكه‌ری و سڤیل ب هه‌روه و بێ ت تشته‌ك بده ده‌ستێ ئارتێشا ئیراقێ.
رێخستنا په‌كه‌كێ د مه‌دیایا خوه ده ژی ده‌ست ئاڤێتییه سێرڤێسكرنا نووچه‌یێن ده‌ره‌و و مانیپۆله‌كرنا رۆژه‌ڤێ و دبێژه كو ئارتێشا ئیراقێ ب هێزه‌كه مه‌زن ڤه كه‌ت د ه‌شنگالێ ده و ده‌ست ب سه‌ر هه‌ر تشتی ده گرتی یه.
باره‌گه‌هێن خوە رادەست کرن
هێزا ئارتێشا ئراقێ كو كه‌تیه د شنگالێ ده، هەموو بارەگەهـ و بارەگەهێن په‌كه‌كێ یێن ل شنگالێ ژ په‌كه‌كێ وه‌رگرتنه، نها ئەو هێزه رێ ناده کو چه‌كدارێن په‌كه‌كێ و جهێ کو ئەو ژێ رە دبێژن (رێڤەبەریا خوەسەر یا شنگالێ یا په‌كه‌كێ!) ڤەگەرن شنگالێ.
ته‌ڤی راده‌ست كرنا په‌كه‌كێ یا باره‌گه‌هێن خوه یا ب دلخوازی، لێ به‌لێ رێخستن د مه‌دیایا خوه ده دبێژه هێزێن ئیراقی یەکینەیێن لەشکەری د ناڤبەرا گوندان دە ب جهـ دکن، ناسنامەیا وەلاتیان ل خالێن کۆنترۆلێ یێن لەشکەری کۆنترۆل دکن و رێ ل بەر ئەندامێن ناڤەند و دەزگەهان (رێڤەبەریا خوەسەرا په‌كه‌كێ!) دگرن کو بکەڤن شنگالێ.
ل گۆری ئاگاهیێن ده‌ستێ مه هەموو خالێن کۆنترۆلێ یێن په‌كه‌كێ یێن ل سەر سینۆرێ سووریە-ئیراقێ هاتنە راکرن و رادەستی هێزێن ئیراقی هاتنە کرن، ب تایبەتی ل باژارۆکێن سنوونێ، خانەسۆر و هەرێما قبلاتێ.
ئه‌نجومه‌نا عه‌شیرێن شه‌نگالێ هلوه‌شیا
هه‌موه‌ختا ڤێ په‌یمانا ژێر ب ژێر و راده‌ست كرنا شه‌نگالێ، ئه‌نجومه‌نا عه‌شیرێن شه‌نگالێ كو ژ ئالیێ په‌كه‌كێ ڤه هاتنه چێكرن د هلوه‌شانێ ده یه، ئاگاهیێن مه ده‌ست نیشان دكن كو پێنج ژ نەهـ ئەندامێن ئەنجومەنا عەشیرێن شنگالێ، کو هەموو ژ ئالیێ په‌كه‌كێ ڤە هاتنە دامەزراندن و وەکی ئەنجومەنا پشتگریا په‌كه‌كێ ل شنگالێ کار دکن، ئیستفا کرن.
ئه‌ڤ ئه‌نجومه‌ن پشتی كو په‌كه‌كێ 60% یل شه‌نگالێ راده‌ست كری ده‌ست ب هلوه‌شانێ كرنه.
په‌كه‌كه ل چیایێ شه‌نگالێ
تشتێ کو د ڤێ قۆناغێ دە هەیە ئەڤە کو دڤێ په‌كه‌كه ب هێزێن خوە یێن چەکدار ل سەر چیایێ شنگالێ بە و نەکەڤە ناڤ باژێر.
هەتا سێ رۆژان بەرێ، یه‌په‌ژه و یه‌به‌شه یێن گرێدایی په‌كه‌كێ ل شنگالێ بوون و بارەگەهـ و خالێن کۆنترۆلێ هەبوون، لێ ل گۆری رێككه‌فتنا د ناڤبەرا وان دە، دڤێ په‌كه‌كه د ناڤ ڤان دو رۆژان دە ژ شنگالێ دەرکەڤە.
هه‌روه‌ها په‌كه‌كه ئێدی نکارە ل شنگالێ خالێن کۆنترۆلێ دەینە ئان ژی مرۆڤان بگرە، ئانگو ئەوقاس لاواز بوویە کو ئێدی نکارە تەڤبگەرە، هێزێن کو ژ باکور و رۆژئاڤایێ کوردستانێ به‌رێ ئینانه شه‌نگالێ، نها ژ باژێر هاتنە دەرخستن و وندا بوونە.
