دوهـ سالڤەگەرا قەتلکرنا عه‌نته‌ر بوو!
عه‌نته‌ر نڤیسکار، هونەرمەند و چالاکڤانەکی کوردێ پیر يێ ناڤدار بوو…
عه‌نته‌ر هەر تم ژ په‌كه‌كێ دوور دما…
عه‌نته‌ر ژ ئالیێ فەرمانگەها ئەیالەتا مێردینێ یا په‌كه‌كێ ڤە راستی گەف، جەزا و پرۆپاگاندایا رەش هات…
عه‌نته‌ر، کو ب گەفێن کوشتنێ یێن په‌كه‌كێ رە روو ب روو ما، ژ گوندێ خوە رەڤیا ستەنبۆلێ و دەمەک درێژ هەول دا کو خوە ڤەشێرە…
عه‌نته‌ر، پشتی دەمەک درێژ، تەسلیم وەرگرتن ژ ئالیێ په‌كه‌كێ ڤە ل سەر عه‌نته‌ر هات سەپاندن و ئەو ژی نەچار ما.
پشتی کو تەسلیمی په‌كه‌كێ بوو، عه‌نته‌ر، وەکی شاگرتەکی ئۆجالان، ژ بۆ دەرگه‌هێ په‌كه‌كێ خەبتی و دەست ماچ کرن…
عه‌نته‌ر، کو ژ ئالیێ په‌كه‌كێ ڤە هات پەسناندن، ل ترکیە و کوردستانێ بوو ئه‌فسانه‌یه‌ك!
مینا هەڤالێن خوە، عه‌نته‌ر، کو هەر تشتێ کو ژ دەستێ وی دهات ژ بۆ په‌كه‌كێ کربوو، ئێدی ژ بۆ وان زندیبوونا وی نەپێویست بوو، و بریارا کوشتنا وی هات بوو دایین !
عه‌نته‌ر ب هەڤکاریا په‌كه‌كێ-ژیتەمێ ئانینە ئامەدێ و ژ ئالیێ کوژەرێن ژیتەمێ ڤە هاتە کوشتن (20ێ ئیلۆنا 1992ان).
هەر چەند کوژەرێ عه‌نته‌ر دهات زانین ژی، ئەو ل شرنەخێ، کو په‌كه‌كە ل وی باژاری هەری خورت بوو، دژیا و کارێ خوە دکر و ژ ئالیێ گرسەیا په‌كه‌كێ ڤە ب رێزداری دهات پێشوازیکرن.
کێمەک ما بوو کو جینایەتا عه‌نته‌ر ژی ببا جینایەتا کوژەر نەدییار، دو رۆژنامەڤانێن جوانێن وێرەک (عەبدولره‌حمان شیمشەک و فەرهات ئوونلو) جهێ وی هات دەستنیشان کرن، عەبدولقادر ئایگان ئەو ده‌ستنیشان کر و ئیخبارەک ژ دۆزگەریێ رە هات کرن، کو بوو سەدەما گرتنا وی.
کوژەرێ گومانبارێ عه‌نته‌ر، حامد یلدرم (حامد ژ شرنەخێ)، هاتە گرتن.
ژ بەر کو دۆزا عه‌نته‌ر بێ خوەدی ما، گومانبار هاتە بەردان و دۆز هاتە بەتالکرن.
پرس:
1- عه‌نته‌ر چما/چاوا و ژ بۆ چ ئارمانجێ تەسلیمی په‌كه‌كێ بوو؟
2- کیژان بەرپرسێ په‌كه‌كێ مووسا عه‌نته‌ر ژ ستەنبۆلێ ئانی ئامەدێ؟ (مەحموود یلدرم “یەشل” گۆت من ئەو ب رێیا بەرپرسەکی پایەبلندێ په‌كه‌كێ خست خەفکێ)
3- ئەڤ بەرپرسێ “پایەبلند”ێ په‌كه‌كێ کی بوو؟
4- کوژەرێ عه‌نته‌ر هەر تم ل شرنەخێ دژیا. چما په‌كه‌كێ ئەڤ کوژەر پاراست و چاڤدێری لێ کر؟
5- چما په‌كه‌كێ و رێخستنێن گرێدایی وێ کو سوودەک باش ژ ژیتەمێ د خوارن، ت ئەلەقە ئان تەڤلێبوونەک ل دۆزا مووسا عه‌نته‌ر رە نیشان نەدان ؟
6- کێ پشتگری کر کو تەوانبار جەمیل ئیشک (هۆگر)، هەرە ئەلمانیا؟
7- کێ/کی چما ل ئەلمانیا هۆگر (جەمیل ئیشک) کوشت، و چما ئەڤ جینایەت هەتا نها ژی ڤەشارتی هات هشتن؟…
نڤیسکار: سولەیمان ئاککۆیون
