بووبێ ئەسەر
وەکە مە ژ رۆژا ئەول دە و ھەتا نھا گۆتیە و نڤیسییە کو پەکەکە رێخستنەکا دەولەتا کوورە. ئارمانج و دامەزراندنا وێ، ژ بۆنا تێکبرن و تونەکرنا تەڤگەرێن کورد ل ھەر چار پارچێن کوردستانێ بوویە. ھەما ھەما د ڤێ ئارمانجا خوە دە ب سەر کەتبوو کو باشوورێ کوردستانێ ھاتە ئازادکرن. ئازادیا باشوورێ کوردستانێ پرۆژەیا دەولەتێ یا کو دخوەستن ل سەر دەستێ پەکەکەیا خوە پێک بینە، ل باشوور، رۆژھلات و نھا ژی ل رۆژئاڤایێ کوردستانێ تێک چوویە.
عەبدوللاھ ئۆجالانێ کو رۆژا ئەول دەولەتێ ئەو کر سەرۆکەکی کوردان کو قەت نیقاش ل سەر وی نابە. دا کو بناغەیا ھێژاییێن کوردان و ھزرا نەتەوەیی ژ دلێ کوردان ب رێیا ڤی سەرۆکێ نە سەرۆک خراب بکن.
ژ بەر کو دەولەت دزانە، نیقاش و موناقەشە ل سەر چ و ل سەر کێ بێ کرن، ئەو تێ زانین کو د خزمەتا کێ دەیە. لۆما ژی نەخوەستن و نەھشتن کو موناقەشە ل سەر سەرۆکاتیا وی بێ کرن. تەنھا خوەستن کو وی وەکە سەرۆکەکی کوردان تام د رۆژەڤا کوردان دە بە کو کورد ژ گۆتنا وی دەرنەکەڤن.
قەدەغەکرنا موناقەشەیێن ل سەر عەڤدللا، رۆژا بریار دان کو وی بکن سەرۆکەکی کوردان، دان. بریار تەنێ نە ئەڤ بوو. خوەستن وی بکن سەرۆکەکی ناڤنەتەوەیی یێ گەلێ کورد دا کو ئەو ژی بکاربە ل گۆر ڤێ ئەرکا خوە د قادا نەڤناتەوەیی دە ب خەرابیێن مەزن ل سەر ناڤێ کوردان، پێک بینە. ھەروەھا ئەو بکاربە ب رەحەتی تەڤگەرێن گەلێ کورد یێن وەلاتپارێز تێک ببە.
تەنھا ئایدۆلۆژیا ژ بۆنا ڤی کاری گونجاو ژی سۆسیالیزم بوو. لۆما عەڤدللا ژ خەتا دینداریێ برن سەر خەتا سۆسیالیزمێ دا کو ل سەر ناڤێ وێ، پارتیەکێ ژێ رە ئاڤا بکن و کرن. بەرێ ئاغا و عەشیرەتێن وەلاتپارێز پاشڤەروو دەستنیشان کرن و ل ھەمبەر وان، شەرێ چەکداری ب کار ئانی. لۆما ب سایا سەرێ وی شەرێ پەکەکێ یێ ل ھەمبەر وان ئاغا و سەرۆک عەشیرێن وەلاتپارێز و گەلەک مالمەزنێن کوردان، ژ مەجبووری ئانگۆ ژ بۆنا پاراستنا ئاخ و گوندیێن خوە بوونە ئالیێ دەولەتێ.
ژ ئالیەکێ دن گەلەک زلامێن میتێ (ئیستیخباراتا ترکان) وەکە ئەندامێن پەکەکێ بوون، د ناڤا پەکەکێ دە ب جھ کرن. ھەمی سەرێ کانیان و مەدیا پەکەکێ تەسلیمی وان کرن. تەسلیم کرن دا کو ئەو ژی بکاربن ب رەحەتی وان ل ھەمبەر کوردان ب کار بینن دا کو ل بەر چاڤێن خەلکێ تەنھا پەکەکێ بھێلن. ھەر وەھا ژی کرن. وان زلامێن دەولەتێ، ب کوشتنا وەلاپارێزێن کورد ئەرکا خوە یا وەکە ترکەکی نیژادپەرەست ئانین جھ. ل سەر ناڤێ کوشتنێن کوژەر نەدیار(!) پرانیا وەلاتپارێزن زیرەک کوشتن.
ھەر ئەڤ کارێ پەکەکێ ژ رۆژا دامەزراندنا وێ دە پێک ئانین. واتە رێخستنەک ل سەر ناڤێ کوردان لێ ژ بۆنا تونەکرنا کوردان، دامەزراندن. سەرۆکێ وێ کرن عەڤدللایێ کو زێدە بەحسا بابێ وی نەیێ کرن. لێ دایکا وی یا ترک تم ل پێش بوو. ژ خوە زێدە بەحسا بابێ کەمال ئەتاتورکێ سەرۆکێ ترکان ژی نەدھات و نایێ کرن. لێ ناڤێ دایکا وی ژی تم ل پێش بوو.
ھوون بالا خوە بدن گۆتنێن عەڤدللا، ھەمی راست دەرکەتنە. ژ بەر کو وەکە پرۆژەیا دەولەتێ ژێ رە نڤیسیبوون، تەڤگەریا و تەڤدگەرە. عەڤدللا کرن سەرۆکەکی وەھا کو جوانێن کوردان خوە ژ بۆنا وی شەوتاندن.
عەڤدللا یەکەم کەسە کو دزانە د ناڤا پەکەکێ دە زلامێن دەولەتێ چاوا ھاتنە ب رێخستنکرن. ژ بەر ڤێیە کو ھەر بانگەکا وی یا ڤەگەرا ئەندامێن پەکەکێ یا ژ بۆنا ترکیێ، ھەمی ئەو زلامێن کو من ل ژۆر بەحسا وان کرین.
نھا ژی عەڤدللا بانگی کەسێن ل ئەورۆپانە دکە کو ڤەگەرن ترکیێ ئانگۆ ھەرن ئیمرالیێ. سەدەما ڤێ ژی ئەوە کو ئێدی شەڤرەش رۆنی دبە، کەسێن د وێ شەڤرەشێ دە نەدھاتن ناسکرن، ئێدی خوەڤەشارتنا وان زەحمەتە. ژ بۆنا کەسێن وەھا زەرارێ نەبینن، عەڤدللا بانگی وان دکە و دخوازە بێژە: “وە کارێ خوە ل ئەورۆپا باش کرن. ئەم ب ھەڤرە ب سەرکەتن. ژ بۆنا کو ھوون زەرارێ نەبینن، ل مالا خوە ڤەگەرن.”
ئەز باوەرم کو دێ کەسێن کارێ کوشتنا کوردان ل ئەورۆپا کربوون، یێن تەڤلیھەڤی ل باژارێن ئەورۆپا دەرخستبوون دێ ھەمی ڤەگەرن مالا خوە ئانکو ترکیە یان ئیمرالیێ.
سەدەما بانگا عەڤدللا کو دخوازە کوردێن(!) ئەورۆپا ڤەگەرن ئەڤە. باوەرم دێ ھەمی زلامێن دەولەتێ یێن وەکە ئەندام و رێڤەبرێن پەکەکێ ڤەگەرن. ژ بەر کو ھەر پەردەیا تاری کو گرتبوو سەر کوردان رادبە، روویێن زلامێن دەولەتێ ژی ئەشکەرە دبە. ژ بۆنا زەرارێ نەبینن، وێ ل سەر بانگا عەڤدللا ڤەگەرن مالا خوە. د دەمەک نە زێدە دوور دە ئەمێ ب ھەڤ رە ببینن کو وێ ئەڤ ڤەگەرا ل سەر داخواز عەڤدللا پێک بێ.
کوردنۆ!!!
دڤێت ئێدی ھوون ژی ھەشێن خوە بدن سەرێ خوە. تەڤگەر، کریار و بوویەرێن پەکەکێ یێن ژ رۆژا ئەولدە بینن بیرا خوە. کریار و بوویەرێن پەکەکێ ژ رۆژا ئەولدە کرنە ژ نوو دە ل سەر وان بفکرن. دا کو ئێدی ھوون پەکەکەیا دەولەتێ و کادرۆیێن زلامێ میتێ ئانگۆ ئیستخباراتا ترک یێن بەرپرسێن پەکەکێ نە، ناس بکن، فێم بکن و بزانبن.
ئێدی پەکەکەیا دەولەتێ ناس بکن کو ئەو ژ بۆنا ڤالاکرنا کوردستانێ، کوشتن و کۆچکرنا کوردان یا ژ سەر ئەردا وان، ھاتبوو دامەزراندنێ، ناس بکن. ل گۆر ڤێ تەڤبگەرن کو پەکەکە دژمنێ گەلێ کورد یێ ھەری مەزنە. فێر ببن کو پەکەکە ژ بۆنا تونەکرنا خەتا نەتەوەیی و ڤالاکرنا کوردستانێ ھاتبوو دامەزراندن. ھوون چقاسی پەکەکێ ناس بکن، ھوونێ ئەوقاسی ل خوە، ل وەلاتپارێزیا خوە و ل کوردبوونا خوە ڤەگەرن.
ئیرۆ ب ھەزاران زلامێن میتا ترکان ل سەر ناڤێ پەکەکێ و پەکەکەیێن شەرمین د ناڤا کوردان، تەڤگەرێن وەلاتپارێز و د ناڤا مە دە نە. د مالا مە دەنە. د شین و شاھیێن مە دەنە. ب مە رە نە و ل گەل مەنە. ھای ژ وان ھەبن!!!
ئێدی ڤانا ناس بکن. بەرێ ب رێیا چەکان، ئیرۆ ب رێیا قاشۆ دەمۆکراتیک کارێن خوەیێن ژ بۆنا تێکبرنا گەلێ کورد ددۆمینن. ھەگەر ھوون پیچەکێ و ب ئاوایەکی بێ لایەن بفکرن، ناسکرنا وان نە زەحمەتە. رابردویاد وان بخوینن و ببینن. زوو ژ زیندانێ بەردانا گەلەک کادرۆیێن وان و ھندەک کوردێن دن ژی فێم بکن. تەڤگەر و گۆتنێن وان بپیڤن. ب ڤێ یەکێ دەرەنگ ژی بە ھوونێ وان ناس بکن.
ھندەک کەسێن زلامێن ئستخباراتا ترکان (میتی) کو وەکە ئەندام و رێڤەبرێن پەکەکێ تێنە ناسین ئەو دکارن ڤەگەرن. ل ئیمرالیێ بجڤن، دا کو پرۆژەیا تونەکرنا کوردان ب ریێن دەمۆکراتیک(!) تەمام بکن.
لێ ھەزار مخابن ھێژ ژی ل باکورێ کوردستانێ پلاتفۆرم، ئەنی یان ھەڤکاریەکا کو بکاربن ل سەر ناڤێ کوردێن باکورێ کوردستانێ ببن ئەلتەرناتیف و بەردەڤکێ وان، تونەیە، دەرنەکەتیە و ھندەک ناخوازن دەرکەڤە ژی…
ئاھا مالوێرانیا مەزن ئەڤە کو پشتی چەکدانینا پەکەکێ، ل باکورێ کوردستانێ کوردێن وەلاتپارێز ھێژ ژی بێدەنگ و بێ ئەلتەرناتیفن.
ل گۆر من ئەلتەرناتیفا ھەری باش کو ئیرۆ ل گۆر شەرت و مەرجێن باکورێ کوردستانێ ھاک-پارە. ھەگەر ھەمی پارتی، رەوشەنبیر و زانایێن کوردان ل سەر ل ھەڤکرنەکێ ل ھەڤ بکن. دێ خورت و ب ھێز بکن. کەسێن زانا و زیرەک بدن پێش، ئەڤە دێ ببە بەردەڤک و ئالتارناتیفەکا کوردێن باکورێ کوردستانێ.
