عه‌بدوللا ئۆجالان 27 سالان به‌رێ ل مه‌كته‌با ناڤه‌ندییا په‌كه‌كێ یا ل شامێ ژ جوانێن كوردان ره دگۆت: یێن كو نكارن دژمنێن خوه تێك ببن، دڤێ ئه‌و بمرن، ئه‌ڤ فه‌لسه‌فه‌یا منه.
یێن كو نكارن دژمنێن خوه تێك ببن، دڤێ ئه‌و بمرن
ئۆجالان د ئاخافتنا خوه ده كو ل 24 گولانا 1998ێ ژ كۆمه‌كه جوانێن كوردان ره د خوله‌كه په‌روه‌رده‌یێ ده ل شامێ كربوو، دگۆت: «هەر چەند دژمن پر مەزن بە ژی، دبە کو مرۆڤ ل دژی ڤی دژمنی، بێرێزیکرن و نەهەقیا هەری مەزن بە. مرۆڤ دکارە وسا ببێژە، لێ بێ گومان، ئەڤنە رایا منە. ب یا من، یێن کو نکارن دژمنێن خوە تێک ببن، دڤێ بمرن. ئەڤ فەلسەفەیا منە».
ئاپۆ چما فه‌لسه‌فه‌یا خوه ل سه‌ر خوه ب خوه ب جیهـ نه‌كر؟
ب راستی ژی ئه‌ڤ فه‌لسه‌فه‌یا ئۆجالانه، ئیرۆ 27 سال ل سه‌ر ڤا گۆتنێن ئۆجالان ده‌رباس دبن، ئیرۆ ب زه‌لالی ئه‌ڤ فه‌لسه‌فه‌یا ئۆجالان ژ بۆی هه‌ر كورده‌كی ئاشكه‌ره بوویه، ئۆجالان نه ته‌نێ دژمنێ خوه تێك نه‌بر، پشتی ڤێ گۆتنا خوه ب ساله‌كێ هات گرتن و ئه‌و د یه‌كه‌م به‌رخوه‌دانا خوه ده گۆت: دیا من تركه ئه‌ز دخوازم خزمه‌تا تركیه‌یێ بكم.
ئۆجالان ب راستی ژی خزمه‌تا دژمن كر، 26 سالان ژ ئیمرالیێ ئه‌ڤ خزمه‌ت كر و خزمه‌تا هه‌ری داوی ته‌سلیمیه‌تا ته‌مام بوو، پشتی كو پارتیا خوه هلوه‌شاندی و ژێ ره گۆتی: «مۆدێلا وه نه‌ما، خوه فه‌سخ بكن، چه‌كان ده‌ینن و ژ كوردان ره ژی گۆت پێویستییا وه ب ده‌وله‌تێ، خوه‌سه‌ریێ و خوه‌رێڤه‌برنێ نینه، رێباز و چاره‌سه‌ری نه‌ته‌وه‌یا ده‌مۆكراتیكه، ئانكو كه‌رم بكن د ناڤا تركان ده ئاسمیله ببن».
باشه..
ئاپۆ چما فه‌لسه‌فه‌یا خوه ل سه‌ر خوه ب خوه ب جیهـ نه‌كر؟
چما ل سه‌ر دژمن سه‌رنه‌كه‌ت؟
چما نكاری سه‌ربكه‌ڤه؟
و چما جوانێن كوردان ب كۆمان د ئاڤێتن به‌ر دژمنێ هۆڤ و به‌رێ وان دا مرنێ؟
یا راست فه‌لسه‌فه‌یا ئاپۆ فه‌لسه‌فا دانه كوشتنا جوانێن كوردان بوو نه فه‌لسه‌فا دانه ژیان كرنا وان، ئه‌و ته‌سلیم بوو و د 26 سالێن رابووری ده ژ ئیمرالیێ فه‌رمان ددا و كۆمێن جوانێن كوردان د ئاڤێتن به‌ر دژمنێ هۆڤ و ژێ ره دگۆ ئه‌ڤ دژمنێ مه‌یه دێ یه‌لا سه‌ركه‌ڤن، وی پڕ ب بێ ره‌حمی به‌رێ كه‌چ و خورتێن كوردان ددا مرنێ. سه‌ركه‌تنا كو وی قالا وێ دكر، دخوه‌ست ب رييا زارۆكان ده‌ست بخه.
