گەلۆ پالدەرێ سیاسی یێ ئۆجالان ژ بۆی داخوازا وی یا عەنتیکە ژ کوردێن رۆژئاڤا چییە؟
یالچین کووچک یەک ژ دارێژەرێن سیاسەتا ترکیەیێ د ناڤا دەولەتا کوور یا ترکیەیێ دە و مامۆستەیێ سیاسی یێ هەرە مەزن یێ ئۆجالانیە. ئۆجالان ب خوە چەندین جاران دانپێدان کریە کو ئەو یەک ژ شاگردێن یالچین کووچکە و شانازیەکە مەزن پێ دکە، هەر وەها یالچین کووچک د چەندین چاڤپێکەتنێن خوە دە گۆتیە کو پێویستە دەولەتا ترک وی ب خەلاتێ کەمال ئەتاتورک خەلات بکە، ژ بەر کو ئەو کارییە پرسگرێکا کوردی د کەساتییا ئۆجالان دە قەتیس بکە و ئۆجالان ئیرۆ یەک ژ خەباتکارێن سەرەکی یێن دژی دەولەتا کوردییە و ب هەموو شێوەیان ل دژی هزرا بارزانیزمێ و کەساتیا مەسعوود بارزانی و جەلال تالەبانی و هەرێما کوردستانێیە.
د قۆناغا نها دە، یالچین کووچیک کارییە ببە رێنیشاندەرێ پەکەکێ، لێ ئەو نەکارییە هەمان رۆل د ناڤا بزاڤێن ئازادیخواز یێن کوردی یێن هەر سێ پارچەیێن دن یێن کوردستانێ ئەنجام بدە.
د قۆناغا ڤان 30 سالێن دەرباسبوویی دە رۆژهلاتا ناڤین کەتییە د گوهەرینێن مەزن دە و بەردەوامە د ڤان گوهەرینان دە.
رۆلا بزاڤا سیاسی یا کوردی ل دوو پارچەیێن کوردستانێ “باشوور و رۆژئاڤا” دێ بەر ب ئاسوویێن گەشتر ڤە چیت، گەشبوونا ڤێ ئاسوویێ بوویە مەترسی ل سەر دەولەتا ترک.
دەولەتا ترک و ب تایبەتی دەولەتا کوور یا ترکیەیێ هەست ب ڤێ مەترسیێ کریە، ژ بەر ڤێ یەکێ کەتیە خەباتەکا ئیستیخباراتی ژ بۆی ڤەمراندنا چریسکا گەشبوونا پارتیێن سیاسی ل باشوور و رۆژئاڤا.
ترکیەیێ ئەڤ خەباتا خوە ئیرۆ ژ دەستی یالچین کووچک دەرخستییە، ژبەرکو ئەو نکارە رۆلا خوە د ڤان هەر دو پارچەیان دە ببینە، لۆما ترکیەیێ ئەڤ رۆل دایە شاگردێ یالچینی ئانکو ئۆجالانی.
نەخشەرێیەک ژ بۆی ئۆجالان هاتیە دارشتن و هاتیە ئەرکدارکرن ژ بۆی بجیئانینێ، ئەڤ نەخشەرێ هەر د سالا 1991ێ دەستپێ دکە و تاکو نها بەردەوامە.
گرنگترین قۆناغێن جێبەجێکرنا ڤێ نەخشەرێیێ:
ب هەموو شێوەیان رێ نەدە کوردێن باشوور د جیبجیکرنا پرۆژەیا خوە یا نەتەوی دە بسەربکەڤن، ئۆجالان هەموو شیانێن پەکەکێ یێن “تەئۆری، چاپەمەنی، لەشکەری، ئابۆری و سیاسی” خستینە کار ژ بۆی ئەنجامدانا وێ ستراتەژیێ، لێ بەلێ جهێ خۆشحالیێ بوو کو ئۆجالان شکەستن ئانیە.
پشتی کو ئۆجالان شکەستن ل هەمبەر باشوورێ کوردستانێ ئانی، ب زیندانکرنێ هات سزادان و د ڤێ زیندانێ دە “ئیمرالیێ” جارەک دن ئۆجالان ل گۆر خواستەکێن ترکیەیێ هات پەروەردەکرن.
رەوشا ناڤخوەیی یا ترکیەیێ ژ ئالیێ سیاسیڤە ژ ئەنجاما هەڤرکییا سیاسی یا ناڤخوەیی و دەرڤە بەر ب لاوازیێ ڤە دچوو، ڤێ لاوازییێ کەشەک دروستکریە کو هەر گوهەرینەکا د رۆژهلاتا ناڤین دە دروست ببە، دێ دەولەتا ترکیەیێ ژ وان دەولەتێن ئێکێ بیت کو بهێت هەرفاندن.
ژ بەر ڤان سەدەمان و چەندین سەدەمێن دن، جارەک دن ئۆجالان هاتە راسپاردن کو پرسگرێکا کوردی یا نەتەوی بگوهریت و بکت پرسگرێکا دەمۆکراسییا گەلان، ئۆجالان کاری تا رادەیەکێ بسەر بکەڤە و ئیرۆ پرسگرێکا کوردی بگوهریت و بکت پرسگرێکا سۆسیۆلۆجیێ، دەما گەلەکێ پرسگرێکا نەتەوی نەبت، واتە پێدڤی ب هەبوونا چەکێ بەرخوەدانێ نینە، و پێویستە گەریلا چەکێ بەرخوەدانێ بشەوتینە.
ده‌وله‌تا كوور یا تركیێ هات پرۆژه‌ی‌ك ئاماده‌كرن ژ بۆ چا‌وانیا گوهۆرینا ده‌ستوورێ تركیێ و چه‌ندین یاسایێن پێشوه‌خت هاتینه دانان، لژنه‌یه‌‌كا سێقۆلی ئه‌ركداركر و ب سه‌روكاتیا كه‌مل كلچدار ئۆغلو و ئه‌ندامه‌تیا هه‌ر یێك ژ ئاردۆگان و ئۆجالان.
ئه‌ڤێ لژنه‌یێ به‌رنامه ل سه‌ر بنگه‌هێ فه‌لسه‌فی یێ (كتك، مشك و خودانێ مالێ) دانا. د ڤێ پرۆژه‌ی دا، ئه‌رك هاتنه دابه‌ش كرن:
ئۆجالان بریارا هه‌لوه‌شاندنا پارتیا كاركه‌ران و چه‌كدانانا گه‌ریلا بده‌ت.
ئاردۆگان هه‌ولا گوهۆرینا چه‌ندین یاسایان و پرۆژیێ گوهۆرینا ده‌ستوورى بده‌ت (ب به‌هانه‌یا هه‌لوه‌شاندنا پارتیا كاركه‌ران و چه‌كدانانێ) ، لێ د بنگه‌هـ دا نه ژ بۆهندێ بیت به‌لكو ژ بۆ بهێزبوونا ده‌وله‌ته‌كا ب هێزا نه‌ته‌وه‌یا ترك بیت ل تركیێ.
كلچدار ئۆغلو ب رۆلێ مه‌سیحى رابیت ژ بۆ هاویشكرنا جاده‌یا نه‌ته‌وی یا تركیێ.
ئه‌ڤ پرۆژه نوكه كارى ل سه‌ر دكه‌ن و له‌زه‌كا زۆر تاكو بگه‌هنه ئه‌نجامى به‌رى ئه‌و بارۆڤێ گورانكارییا ب سه‌ر تركیێ بهێت.
سێ: رۆژئاڤایێ كوردستانێ بوویه مه‌ترسیه‌كا مه‌زن ل سه‌ر ده‌وله‌تا تركیێ پشتى نه‌مانا ده‌ستهه‌لاتا ئه‌سه‌دی ل سووریا و ئه‌ڤرۆ زۆربه‌ى ده‌زگایێن هه‌والگیری ل ولاتێن زلهێز رۆل هه‌یه ل ناڤا سووریا دا و نه‌خاسمه ئه‌مریكا و ئسرائیل یێ رۆله‌كێ مه‌زن و ستراتیجى دبینن كو سووریا بێخنه د ناڤا (پرۆژه‌یێ ئیبراهیمی) دا و كوردێن رۆژئاڤا بووینه ئامرازه‌كێ مه‌زن یی ڤى پرۆژه‌ی.
ده‌وله‌تا كوور یا تركیێ ڤێ پرۆژه‌ى ب خته‌رناك دبینیت، ژبه‌ر هندێ ب شێوه‌یه‌كێ راسته‌وخۆ ب رێكێن (له‌شكه‌رى، ئابوورى، سیاسی) ل دژى كوردین رۆژئاڤا راوه‌ستیا و دژایه‌تی كر ژ بۆ هندێ كوردێ رۆژئاڤا خۆ بشێڤیت د ناڤا ده‌وله‌تا سووریا دا و ده‌ست ژ مافێن خۆ یێن نه‌ته‌وى و یاسایی به‌رده‌ت، لێ خۆشبه‌ختانه تاكو نوكه سه‌رنه‌كه‌تینه.
پشتى تركیه شكه‌ستى به‌رانبه‌ر هیزێن سیاسی و له‌شكه‌رى یێن كوردێن رۆژئاڤا ئینای، هاتیه و ده‌ست ب قۆناغا دووێ كری یه ژ بۆ دژایه‌تیا كوردێن رۆژئاڤا، دبینیت كو كوردێ رۆژئاڤا رۆژ ب رۆژ یێ نێزیكى سیاسه‌تمه‌دارێن باشوور دبن و قایل بووینه ب ئه‌زموونا باشوورێ كوردستانێ و دخوازن هه‌مان داخوازى ل رۆژئاڤا ب ده‌ست بینن و ب ئاشكرایى داخوازا ده‌وه‌له‌ته‌كا فیدرال ل سووریێ بهێته دانان و مافێ كوردان ل ده‌ستووری بهێت یێ سووریا دا بهێته چه‌سپاندن.
ئه‌ڤ رێره‌وا كوردێن رۆژئاڤا ل خه‌باتا سیاسی دا خۆ به‌رڤ گه‌شبوونێ دچیت، ئه‌ڤ گه‌شبوونه بوویه جهێ ترسه‌كا مه‌زن ل ده‌ڤ ده‌وله‌تا كوور یا تركیێ، ئه‌نجامێ ڤێ ترسێ ل ده‌ڤ تركیێ بوویه پالده‌ر كو بهێن ئۆجالانى ئه‌ركدار بكه‌ن ل رۆژئاڤایێ كوردستانێ.
ژبۆ ئه‌نجامدانا ڤى ئه‌ركى، ئۆجالانى نه‌خشه رێگایه‌ك دانایه ب ره‌زامه‌ندیا ده‌وله‌تا كوور یا تركیێ:
یه‌كه‌م: ده‌مێ شاندێ دانوستاندكارێ ده‌م پارتیێ سه‌ردانا ئۆجالانى ل ئیمرالى دكه‌ت، ده‌رباره‌ى كێشا كوردى ل رۆژئاڤا ، ئۆجالانى گۆتیه وان نوكه هه‌سه‌ده كه‌تیه د ده‌ستێ ئسرائیلێ دا و زۆرا ب زه‌حمه‌ته بشێن ژ ده‌ستێ وان بینه ده‌ر و پێدڤییه كاره‌كێ مه‌زن بكه‌ین كو هه‌سه‌دێ ژڤێ خیانه‌تكاریێ ده‌ر بێخین، ئه‌ڤ گۆتنه و چه‌ندین گۆتنێن دى، میتێ ب شاره‌زاهى ئه‌و به‌لاڤكرن ل ده‌زگایێن راگه‌هاندنێ دا، به‌شه‌كێ ئارمانجا به‌لاڤكرنێ ئه‌و بوو كو خه‌باتا سیاسییا هه‌سه‌دى ب ده‌ڤێ ئوجه‌لانى دیار بكه‌ن كو ئه‌ڤه خیانه‌ته.
دوو: ئوجه‌لانى نامه‌یه‌ك ئارسته‌ى هه‌سه‌دێ كریه و ناڤه‌روكا ڤێ نامێ ئه‌وه كو پێدڤییه هه‌سه‌ده خو راده‌ستى ده‌وله‌تا سووریا بكه‌ت و وه‌ك جاران چه‌ندێن شرۆڤه‌ركرنێن بێ بنه‌ما بۆ نه‌ته‌وه‌بوونێ و خۆسه‌رییا كوردان كریه.
واته ب كورتى ناڤه‌روكا ناما ئۆجالانى بۆ كوردێن رۆژئاڤا ب ئیمزا تركیێ و را‌زه‌مه‌ندیا ده‌وله‌تا كوور یا تركیێ هاتیه نڤێسین و ب رێكا ئیستخارتا تركیێ هاتیه ره‌وانه‌كرن.
