گەلۆ عەڤدلا ئۆجالان دێ سەربەست بەردانا سه‌لاحه‌ددین دەمیرتاش قەبوول بکە؟
دهێت پێشبینیکرن کو سه‌لاحه‌ددین دەمیرتاش دێ د 8ێ جۆتمەهێ دە وەرە بەردان. ل گۆری ئیدیعایان حکوومەت ل دژی سەربەستبەردانا دەمیرتاش دەرناکەڤە. ژ بەر ڤێ یەکێ، گەلۆ عەڤدلا ئۆجالان دێ تەحلییا دەمیرتاش قەبوول بکە؟
ل سەر بنگەها بریارەکا بەرێ یا دادگەها مافێ مرۆڤان یا ئەورۆپا، مژارەک ل سەر سەربەستبەردانا دەمیرتاش د 8ێ جۆتمەهێ دە هەیە. د بەرییا دەمەکی کورت ده، ئەندامێن پارتیا تەڤگەرا نەتەوەپەرەست (مه‌هه‌پێ) دیار کرن کو دڤێ ترکیە بریارا دادگەها مافێن مرۆڤان یا ل سەر دەمیرتاش دایی، بجهـ بینە. ئانگۆ، مه‌هه‌په نه ل دژی بەردانا دەمیرتاشە. ل گۆری راپۆرێن دوهـ یێن ل سەر Oda Tv، ئەردۆگان و حکوومەت، ل دژی وی بەردانێ دەرناکه‌ڤن. یانی، دەمیرتاش دبە کو د 8ێ جۆتمەهێ دە وەرە بەردان.
لێ ل ڤر پرسەک گرینگ هەیە: “گەلۆ عەڤدلا ئۆجالان دێ ئازادکرنا دەمیرتاش قەبوول بکە؟” زیندانیکرنا دەمیرتاش نە تەنێ بریارا حکوومەتێ ئان ئاردۆگان بوو. دەمیرتاش ب بریارەکە هەڤبەش یا ئۆجالان-په‌كه‌كه و ئاردۆگان-ئاکه‌پێ هاتە گرتن. راستی ئەڤە. و هەکە ئەو نها وەرە بەردان، دیسا ئەو دێ ب رازه‌مەندییا هەڤبەش یا ئاردۆگان و ئۆجالان بە. ژ دەستپێکا پێڤاژۆیێ د سالا 2012 ئان دە، دەمیرتاش هەم بەرتەکا ئەردۆگان و هەم ژی یا ئۆجالان کشاندبوو سەر خوە.
گۆتنێن دەمرتاش یێن “ئەم ناهێلن تو ببی سەرۆک” ب دژواری ئەردۆگان هێرسا خوە نیشان دا بوو.
لێ مەسەلەیا ئۆجالان جودا بوو. ئۆجالان هەبوونا کەسایەتیەک ب باندۆر و کاریزماتیک د سیاسەتا کورد دە، هەم ژ هێلا سیاسی ڤە و هەم ژی ژ هێلا مه‌عنه‌وی ڤە، قەبوول ناکە. ئۆجالان خوەدی دیرۆکەک 50 سالییە کو هەموو هه‌ڤركێن خوە کوشتبوون و نەدهێلا کەسێن ب باندۆر د ناڤا په‌كه‌كێ دە بژین. پشتی کو دەمیرتاش د سالا 2009ێ دە د قادا سییاسەتێ دە دەرکەتی پێش، ئۆجالان ژ دەستپێکێ ڤە، دەست ب چاڤدێریا دەمیرتاش کر، مەراق دکر گەلۆ د بە کو دەمیرتاش ببە هه‌ڤركێ وی.
ژ بۆ کو ڤەکشینا دەمیرتاش ژ قادا سیاسی مسۆگەر بکە، ئۆجالان دخوەست کو ئەو د سالا 2012ێ دە ل گەل گولتەن کشاناک ببە هەڤسەرۆکێ شارەداریا دیاربەکرێ. لێ دەمیرتاش نەکەت ڤێ خەفکێ.
ئۆجالان هەول دا کو د کۆنگرەیا هه‌ده‌پێ یا کو د 22ێ خزیرانا 2022 ئان دە پێک هات دە رێ ل بەر دەمیرتاش بگرە کو ببە سەرۆک. لێ دەمیرتاش دیسا ب ئالیکاریا ئالیگرێن خوە ئەڤ ئاستەنگی ژی دەرباس کر.
ل گۆری ئۆجالان و دەولەتێ دەمیرتاش حەدێ خوە دەرباس کر بوو و هەول هاتن دایین کو وی راوەستینن. لۆما ژی ئەو هاتە گرتن.
بوویەرەکا پر بالکێش هه‌یه کو ئیرۆ کەس بەحسا وێ ناکە ئه‌و ژی ئه‌ڤه: د 4ێ مژدارا 2016ێ دە، رۆژا کو دەمیرتاش رەوانەیی گرتیگەهێ دکرن، ل سەر رێیا بەر ب قەرەقۆلا پۆلیسان ڤە ل هەرێما کو دەمیرتاش ژی لێ دەرباس دبوو، تەقینەک مەزن چێبوو. د تەقینێ دە 11 کەسا ژییانا خوە ژ دەست دا. دەمیرتاش ژ مرنێ فه‌لتی. تشتا سەرنجراکێش ئەڤ چالاکی یەکینەیا Tak یا گرێدایی په‌كه‌كێ بەرپرسیارییا وێ گرت سەر خوە. راستیا ڤێ تەقینێ تو جاری نەهاتە زانین.
هەتا پشتی گرتنا دەمیرتاش ژی، هەلوەستێن کو وی ژ قادا سیاسەتێ دووربخن هاتن نیشان دان.
دەمیرتاش ڤان هەموو پێڤاژۆیان ژ هەر کەسی باشتر دزانە. و د راستیێ دە، دەمیرتاش نامە ژ بۆ ئاردۆگان و ژ ئۆجالان رە نڤیساندن و تەسلیمبوونا خوە ئیلانکر. دەمیرتاش گۆت، “پاشناڤێ مە ترکیەیە.” و بەرانبەر ئاردۆگان بەژنا خوە تەواند و سەرێ خوە چەماند. ل گۆری من، ژ ئاردۆگان بێتر ئەڤدلا ئۆجالان ل دژی ئازادکرنا سه‌لاحه‌ددین دەمیرتاشە.
د ئەنجام دە، ئەمێ د 8ێ جۆتمەهێ دە ببینن کا گەلۆ ئەردۆگان و ئۆجالان، یێن کو ئەو دایه گرتن، دێ بهێلن ئەو ئازاد ببە ئان نا.
