دوران کالکان: باخچه‌لی ژ رانتخوارێن شه‌ره نكاره مه ب خاپینه
برێڤه‌به‌رێ په‌كه‌كێ دوران کالکان د سالڤەگەرا یەکەمین یا پێڤاژۆیا ئاشتیێ دە گاڤێن حکوومەتێ رەخنە کرن و دیار کر کو ده‌وله‌ت باخچه‌لی سۆزێن خوە ب جهـ نەئانینە و د ئاستەنگکرنا پێڤاژۆیێ دە رۆلا «رانتخوارێن شەر» هەیە.
ئەندامێ کۆمیتەیا برێڤەبر یا رێخستنا په‌كه‌كێ دوران کالکان د سالڤەگەرا یەکەمین یا پێڤاژۆیا ئاشتیێ دە ژ مەدیا هابەر تی ڤیێ رە ئاخڤی و هەلوەستا حکوومەتێ رەخنە کر.
كالكان: باخچه‌لی ژ رانتخوارێن شەرە
کالکان دیار کر کو ل ترکیەیێ “دەردۆرێن کو ل دژی ئاشتی و دەمۆکراسیێ نە هەنە” و گۆت: «کەسێن کو ژ شەر، زەخت و زلمێ سوودێ وەردگرن هەنە. یێن کو ژ خوینێ سوودێ وەردگرن، رانتخوار… ژ بۆ ڤان یا هەری راست گۆتنا «رانتخوارێن شەرە».
کالکان بال کشاند سەر بریارێن عه‌بدوللا ئۆجالان یێن ل سەر رێخستنێ و ئەو بریارێن ئۆجالان یێن ژ بۆ فەسخکرنا ئاڤانیا رێخستنی یا په‌كه‌كێ و بداویکرنا ستراتەژیا تێکۆشینا چەکداری ب بیر ئانی.
کالکان دەربارێ رەوشا ئۆجالان دە وها ئانی زمێن، «د سیستەما تەجریدا ئیمرالیێ دە ت گوهەرتن نینە».
رەوشا رەهینەتیێ بەردەوام دکە. یاسا ب ئاوایەکی قسمی تێن بجهئانین لێ تەنێ ئەو قاس».
باخچه‌لی سۆزێن خوە ژ بیر کرنە
کالکان، گۆتنێن باخچه‌لی یێن دەربارێ پێڤاژۆیێ دە ب بیر خست و ئەڤ تشت گۆتن: «هەلوەستا کو 1ێ چریا پێشین پێڤاژۆ دا دەستپێکرن یا باخچه‌لی بوو».
22ێ چریا پێشین ب ئاخافتنا خوە یا ل پارلامەنتۆیێ گاڤ ئاڤێت؛ هەڤدیتنا کو 23یێ چریا پێشین پشتی 4 سالان ب رێبەر ئاپۆ رە هات کرن، لەز دا پێڤاژۆیێ.
لێ بەلێ د ئەنیا دەولەتێ دە ت گوهەرتن نینە. وسا دخویە کو باخچه‌لی گۆتنێن خوە یێن وەکی «بلا وەرە ل پارلامەنتۆیێ باخڤە، بلا د کۆما دەم پارتیێ دە باخڤە، بلا ل ئەنقەرەیێ سیاسەتێ بکە ژ بیر کریە».
نها دبێژە، «بلا ژ ئیمرالیێ پێڤاژۆیێ ب رێ ڤە ببە، بلا د مەرجێن رەهینەتیێ دە بانگی رۆژاڤا بکە!».
کەسەک د مەرجێن رەهینەتیێ دە دکارە چ بکە؟ د سیستەما تەجرید و ئیشکەنجەیێ یا ئیمرالیێ دە چ دکارە وەرە کرن؟
گەلۆ ده‌وله‌ت باخچه‌لی ئەڤ یەک ژ بیر کریە؟ سالەک دەرباس بوو؛ کا گەلۆ پێویستیا گۆتنێن وی هات بجهانین؟
قەت خەما وی نینە. وسا دخویە کو ژ بیر کریە. گەلۆ ئەو باوەر دکە کو تەنێ ب گۆتنا «رێبەرێ دامەزرینەر دێ مە بخاپینە».
ئاشتی و دەمۆکراسیەکە ب ڤی رەنگی نابە
کالکان ئانی زمان کو نێزیکاتیێن تاکتیکی یێن دەستهلاتێ پێڤاژۆیێ لاواز دکن و ئێرشێن «دەردۆرێن رانتخوار» گور دکن و گۆت: «ئەو ژ هەقارەت و بکارئانینا زمانێ ژەهری خوە پاشڤە نادن. ئاشتی و دەمۆکراسیەکە ب ڤی رەنگی نابە».
کالکان رەوشا ئیرۆ یا پێڤاژۆیێ نرخاند و دیار کر کو ئەو پابەندی بریارێن کۆنگرەیا 12ێ یا په‌كه‌كێ نه.کالکان هەر وها گۆت، «ئەم دێ گوهەرین و ڤەگوهەرینێ پێک بینن. ئەم د ستراتەژیا سیاسەتا دەمۆکراتیک دە ب ئیسرارن».
بلا رێ ل بەر ڤێ یەکێ ڤەبە، بلا زەمینا پێویستا هقووقی و سیاسی بێ ئاڤاکرن؛ ئەم وەکی تەڤاهیا رێخستنێ ئامادەنە کو پێویستیان ب جهـ بینن».
کالکان، هەر وها بەحسا سەردانا سەرۆککۆمارێ ترکیەیێ رەجەپ تایییپ ئەردۆگان یا شەرم شێخێ یا ب رۆژەڤا ئاگربەستا ل غەزەیێ کر.
کالکان ئیدیعا کر کو ترکیە ل شوونا تفاقا ب کوردان رە “هێڤیا خوە ب ئیسرائیل و ئامەریکایێ ڤە گرێ ددە” و ئانی زمان کو تەڤی ڤێ یەکێ ژی ئەنقەرە “ژ پرۆژەیێن رێیێن ئەنەرژیێ یێن ناڤنەتەوەیی هاتیە دوورخستن”.
ئەم دێ ببینن، بێ کا دێ چ وەرە سەرێ کێ!
کالکان وها پێ دە چوو: «لێ بەلێ دۆستێ راست، هێزا راست ل کێلەکا وانە، ل ترکیەیێ، ل جەم کوردانە. کورد جڤاکەکە 60 ملیۆنینە».
نە تەنێ د ناڤ سینۆرێن ترکیەیێ دەنە، ل ناڤەندا رۆژهلاتا ناڤینن. هێزا هەری ستراتەژیک ئەون.
نها ئەم دێ ببینن کو ئەو کەسێن کو ئیرۆ دەستێ وان گرتنە و دبێژن «ئەز دێ پشتگریێ ژێ وەرگرم سبە دێ چ بینن سەرێ وان».
مە گۆت. ئەم هین ژی ل سەر گۆتنا خوەنە؛ دێ هەر تشت ل قبرسێ دیار ببە! وێ دەمێ ئەم دێ ببینن، بێ کا دێ چ وەرە سەرێ کێ».
