تەڤگەرەک، پارتیەک، سازی و دەزگەھەک ژ بۆنا بیر و باوەریەکێ، ژ بۆنا ئارمانج و دەسکەفتنەکێ تێنە دامەزراندن. یێن ل سەر ڤێ رێ و ئارمانجێ نە خوەدی دیرۆکەکێ بن، ئەوێن نە خوەدی تەکۆشینەکە دوور و درێژ بن، ئەو دێ د تەکۆشینا خوە دە د وارێ نەتەوەیی دە قەلس بن. لۆما ژی نکارن ببن پارچەکا ئەساسی ژ وەلاتێ خوە.
بالا خوە بدنێ، بخوینن و لێ بکۆلن ھوونێ ببینن، بارزانیان ئەڤە سەد سالن کو تەکۆشینا ئازادیا گەلێ خوە بێ ناڤبەر دانە و ددۆمینن. ب ڤێ یەکێ ژی خوە کرنە کوردستان و کوردستان کرن ناڤێ خوە.
ل سەران سەرێ جیھانێ دەما ناڤێ بارزانیان تێ گۆتن، یەکسەر کوردستان تێ ئاقل و ھشان. ژ بەر کو بارزانیان ب تەکۆشینا خوەیا دوور و درێژ یا بێ راوەستاندن، د ناڤ کوردان و ل جیھانێ ناڤێ خوە و یێ کوردستانێ دانە قەبوولکرن.
پشتی بەرخوەدان و تەکۆشینا کوردان یا ل ھەر چار پەرچان تێکچوو بوو. داگیرکەران ب ھەڤرا تێکچوونا کوردان پیرۆز دکرن. لێ بارزانیان ب گولەیا شۆرەشا ئیلۆنێ ئەو کێف د قرکا وان دە ھشت. ب دەنگێ وێ گولەیێ گەمارا گوھێن کوردان کو کەڕ بوو بوون، پاقژ کر. چاڤێن کۆر بوو بوون، ڤەکرن. زمانێ د دەڤان بێدەنگ مابوو، ب دەنگ کر. کوردێن کو ژ نوودە چاڤێن وان ڤەبووین، گوھێن وان پاقژ بوون، زمانێ وان گەریا، ب گۆڤەند و شاھیان، کێفا داگیرکەران رەڤاندن، ترس و خۆف ژ نوودە خستە دلێ وان.
ئەو ژی ل خوە ھای بوون کو وان کورد نەقەداندن. بریار دان کو دڤێت بەرێ بارزانیان بقەدینن. ژ بەر کو ب ھەڤرە گھشتن وێ باوەریێ کو ھەتا بارزانی ھەبن، دێ تەکۆشینا کوردان یا ل ھەمبەر وان ژی ھەر ھەبە. لۆما داگیرکەران ب ھەڤرە بەرێ چەکێن خوە دانە بارزانیان. ژ بەر ڤێ بوو کو چ تشتێن خەراب ھەبوون ئانین سەرێ وان. کۆمکوژی، ئەنفال و کیمیابارانی.
ئەڤ نە بەس بوو ژ کوردان پارتیەکا خوە چێ کرن و ل سەر دەستێ وان ئەو بەڕا پێخیلا بارزانیان و کوردان دان. لێ دیسا ژی چ کرن نکاریبوون بارزانیان بقەدینن. ژ بەر کو ئێدی بارزانی بوو بوون کوردستان و کوردستان ژی بوو بارزانی. لۆما ژی ھەتا کو بارزانی ھەبن دێ کوردستان ھم ھەبە و ھم ژی دێ مسۆگەر و ئاڤادان بە.
ژ بەر ڤێیە کو ھلبژارتنێن ل ئیراقێ گرینگە کو دڤێت بارزانی ئانگۆ پەدەکە ب سایا دەنگدێرێن ژ وەلاتێ خوە حەز دکن، ب سەرکەڤە. پێویستە کورد ڤێ جارێ پارتیێ بکن ھێزەکە مەزن و سەرەکی دا کو ئەو ژی ل ھەمبەر داگیرکەرێن ئیراقێ رەحەت تەڤبگەرە. ژ بۆنا ھەمی کێشەیێن د ناڤبەرا ئیراق و کوردستانێ دە ھەنە چارەسەر بکە و گاڤەکە دن بەر ب سەرخوەبوونێ ڤە باڤێژن، دڤێت پارتی ب سەرکەڤە.
ئەی ملەتێ بێ دەولەت؛ ژ بۆنا کو تو ببی دەولەت، د ڤێ ھلبژارتنا کو دێ ل ئیراقێ د رۆژێن 11-11-2025ێ دە پێک بێ، دەنگێ خوە بدن لیستەیا 275 دا کو تو بکاربی مافێ خوە یێ رەوا ب دەست بخی. ئەڤ لیستەیەکا پیرۆزە کو بەردەوامیا ب سالانە.
ئەڤ لیستە ب خوینا جانگۆریان، ئەنفالیان و بۆمبەبارانێن کو ھاتنە سەرێ کوردان، ھاتیە حازرکرن دا کو خوەدی ل کوردێن بێ دەولەت دەرکەڤە.
لیستا 275 بەردەوامیا تەکۆشینا سەد سالان یا بارزانیانە کو بێ وەستان ژ بۆنا ئازادی و سەرخوەبوونا گەلێ خوە تەکۆشین دانە. ژ بۆنا وێ تەکۆشین و ئارمانجا ب سالان پێک بێ دڤێت کوردێن مە یێن باشوورێ کوردستانێ دەنگ بدن وێ.
ژ بۆنا کو ملەتێ کورد جارەکە دن رۆژ و بوویەرێن قرێژ نەبینە، دەنگێ خوە بدە خوە، تو لیستەیا 275ی. تو نەڤیێ تەکۆشینا سەد سالانی. ب سەرکەتنا ڤێ لیستێ دێ کوردێن ھەرچار پارچان ژ کۆمکوژیێ ژ کۆچبەری و ژ تونەبوونێ بێنە ئازاد کرن.
ھەگەر ھوون ناخوازن تونە ببن و ل سەر روویێ ڤێ جیھانێ ب ئازادی بژین، دڤێت تو و ھوون دەنگێ خوە بدن خوە ئانگۆ لیستەیا 275ێ. ژ بەر کو ھەرجار فرسەتێن وەھا گرینگ ب دەست کوردان ناکەڤن. ڤێ فرسەتێ باش ب کار بینن، پارتیێ ئانگۆ پەدەکێ بکن یەکەم دا کو ئەو ژی بکاربە دۆزا مافێ وە و خزمەتا وە بکە.
کوردنۆ گۆتنا سەرۆک بارزانی کو دبێژە: “کوردستان نە نەخشەیەکە ژ کاغەزێیە. ئەو خوینا دەمارا کوردانە”. گۆتنێن سەرۆکێ ھەرێما کوردستان رێزدار نێچیرڤان بارزانی و سەرۆکوەزیرێ ھەرێما کوردستانێ کو د کەرنەڤال و جڤینا ل ھەولێرێ دبێژە باش بخوینن و شرۆڤە بکن. ڤان گۆتنان بکن گوھار و بێخن گوھێن خوە دا کو تم بێ بیرا تە و وە. ھەتا کو ئەم وەکە کورد سەرۆک و رێبەرێن خوە گوھداری نەکن، گۆتن و شرۆڤەیێن وان نەپیڤن، ئەم دێ ب ھەڤرا وەندا بکن. لۆما ژی گرینگە کو ھوون گوھ بدن ڤان گۆتنێن رێزدار نێچیرڤان بارزانی کو دبێژە:
