سەرخوەبوونا کوردستانێ نێزیکتر بوو!!!
بووبێ ئەسەر
ھەگەر ئەم دخوازین ببین دەولەت
دڤێت ئەم ب ھەڤرە بن وەکە ملەت
ئەو کەسێن دبێژن مە تونە دەرفەت
بلا روونێن ل مالا خوە نەبن عیبرەت
ئەی ملەتێ بێ دەولەت!!!
وە دەنگێ خوە یێ رەوا ب ئاوەیەکی دەمۆکراتیک دانە لیستەیا کو تو کرییە خوەدی رێ و رێبازەکێ. ئەو رێبازەکا وەھایە کو تو تونە نەکرییە. ژ بۆنا مافێ تەیێ رەوا سەد سالن د ناڤا تەکۆشینێ دەیە.
ژ بۆنا تو ل باشوورێ کوردستانێ ببیە خوەدی دەولەتا خوە یا سەربخوە، تە دەنگێ خوە دا لیستەیا 275ێ.دا کو ئەو مافێ تە بپارێزە. ژ بەر کو ب بێ دەولەتیێ تو نابیە خوەدیێ خوە و چ تشتەکی. ژ بۆنا تو خوە و ھەبوونا خوە بپارێزی تە دەنگێ خوە دا خوە.
ژ بەر کو ئەڤ لیستە، دێ تە ل باشوورێ کوردستانێ بکە خوەدێ دەولەتەکا سەربخوە. ئەڤ لیستە دێ ب سایا دەنگێ تە ببە خوەدی ھێزەکێ کو مافێ تەیێ رەوا ل ھەمبەر دەستھلاتا ئیراقێ بپارێزە. لۆما ژی گرینگ بوو ئەڤ لیستە زێدەیی یەک ملیۆن دەنگان ب دەست بخە دا کو ب خورتی ببە پارێزگەرێ مافێ گەلێ کورد یێ رەوا ل ئیراقێ.
ئەڤ لیستە، دێ ببە خوەدی لێدەرکەتنا مافێن کوردان یێن ھەرچار پەرچێن کوردستانێ. ئەڤ لیستە دێ ببە ھێز و قاوەتا ل ھەمبەر ھەمی داگیرکەران دا کو ئێدی نکاربن زلم و زۆرداریێ ل ملەتێ تە بکن.
ئەی ملەتێ بێ دەولەت!!!
گەلەک گرینگ بوو کو د ڤێ ھلبژارتنێ دە داخوازا بناغەیێ ڤێ رێبازا پیرۆز یا سەرۆک بارزانی بوو کو یەک ملیۆن دەنگ بوو. ب ڤێ دەنگدانێ وە گارانتیا کو سەرۆک بارزانی ب رەحەتی بکاربە گەنگەشیا کوردستانەکا سەربخوە ل گەل دەولەتان بکە، کر.
ب سەرکەتنا ڤێ لیستێ، دێ دەستێ سەرۆکێ ھەرێما کوردستانێ رێزدار نێچیرڤان بارزانی بێتر خورت ببە. دێ دۆزا گەلێ خوە د قادا ناڤنەتەوەیی دە ب رەحەتی بپارێزە. د ھەمی دانووستەندنێن خوە یێن دیپلۆماتیک دە دێ دۆزا مافێ گەلێ خوە یێ ژ بۆنا سەرخوەبوونا وی بینە زمان.
ب سەرکەتنا ڤێ لیستێ سەرۆکوەزیرێ کوردستانێ رێزدار مەسروور بارزانی ب بێھنفرەھی، ب ھێز و قاوەتەکا خورت ل سەر ھزرا نەتەوەیی دێ باشوورێ کوردستانێ، بپارێزە و ئاڤادان بکە.
ئەی ملەتێ بێ دەولەت!!!
تە د ڤێ ھلبژاراتنێ دە دیار کر کو تو دخوازی ئالا تە ژی د ناڤا ئالایێن جیھانی دە بێ دیتن. لۆما تە ژی ب خورتی و ب پشتگریەکا مەزن ب ھێزەکا خورت ژ بۆنا ڤێ یەکێ لیستا کورد و کوردستانی ب سەر خست. تو چووی سەر سندۆقان و تە دەنگێ خوە یێ دەمۆکراتیک بکار ئانی دا کو ئەو ببە دەنگێ گەلێ تە ل ھەر چار پەرچێن کوردستانێ.
ئەی ملەتێ بێ دەولەت، تە ب بکارئانینا مافێ خوە یێ دەمۆکراتیک، دەنگێ خێرنەخوازان ژ گوھێ کوردان دەرخست کو ئەو دەنگ نەیێ خێرێ بوو. تە ب ڤێ دەنگدانێ ھەول دا کو کەسێن وەلاتحەز بکاربن ب رەحەتی باخڤن، بنڤیسینن. ژ بۆنا پێشکەتنا وەلاتێ خوە ببە چرووسکەک کو تاریا ل سەر وەلاتێ خوە ھێدی ھێدی رۆھنی بکن.
ئەی ملەتێ بێ دەولەت!!!
تە ب وان دەنگێن خوەیێن ھێژا و دەمۆکراتیک پێشی ل جوانێن کو ژ وەلاتێ خوە بەر ب وەلاتێن ئەورۆپا دە درەڤن گرت. ژ بۆنا کو ئێدی وەلاتێ خوە ئاڤادان بکن. ئەڤ دەنگدان ژ بۆنا قادا ناڤنەتەوەیی گەلەکی گرینگ بوو کو تە ژی وەکە ملەت ئەو ئەرکا خوە ئانی جھ.
ئەی ملەتێ بێ دەولەت، گرینگ بوو کو وە ژی ب دەنگدانا خوە یا دەمۆکراتیک دەستێن سەرۆک بارزانی خورت کرن کو ئەو ژی وێ داخواز و دەنگدانا رەفەراندووما ژ بۆنا کوردستانەکا سەربخوە، رێ دۆست و دژمنان بدە. ژ بەر کو دەم ھاتیە کو دڤێت سەرۆک بارزانی ب سایا دەنگدانا وە یا ژ بۆنا رەفەراندوومێ و ھلبژارتنا نھا ئەو ژی وی دەریێ کوردستانەکا سەربخوە، ب وێ کلیتا وە دیاری جەنابی وی کریە، ڤەکە…
بارزانیان ب شەرێ خوەیێ چەکداری یێ سەد سالان داخوازا گەلێ خوە پێک ئانینە. وە ژی ب دەنگێن خوە یێن دەمۆکراتیک داخوازا سەرۆک بارزانی و تەکۆشەرێن بارزانیان ب جھ ئانین.
ئەی ملەتێ بێ دەولەت، نەترسن و کێفخوەش ببن کو ئێدی تو ژی دێ بییە خوەدی دەولەتا خوە یا سەربخوە. دێ ئێدی ئالا تە ژی د ناڤا ئالایێن جھانێ دە بلند ببە.
ئەی ملەتێ بێ دەولەت، ژ بۆنا کو وە داخوازا سەرۆک بارزانی و یا ھەرچەر پارچێن کوردستانێ ئانی جھ، سپاس ژ بۆنا وە.
بژی کورد بژی کوردستان
