د. فایق گولپی: گۆتنه من، «ل دژی بارزانی كار بكه، ئەمێ تە ب قاسم سلێمانی بدهینه نیاسین»
د. فایق گولپی، کەسایەتیەکی ناڤدارێ باشوورێ کوردستانێ، د بەرنامەیەکێ تەلەڤیزیۆنێ دا کو ئەو تێدا بەشدار ببوو، داخویانیێن گرنگ دان. گولپی گۆت کو د پێش خەباتكرنا ل دژی بارزانی دا، وان سۆزا هەر جورە پشتگریێ دانە وی، و هەتا كو دێ وی ب قاسم سلێمانی ژی دهنه ناساندن.
د. فایق گولپی ل سلێمانیێ دژیت ئەو پزیشکە لێ د هەمان دەمی دا تەڤلی كارێن سیاسی و رەوشەنبیری ژی دبیت. د ڤان رۆژێن داوی دا تەڤلی بەرنامەیهکێ تەلەڤیزیۆنی بوو، وی هندهك پێشنیارێن کو د ناڤبەرا سالێن 2015 و 2016ێ دا بۆ وی هاتبوونه کرن، ئاشکەرە کرن. وی گۆت کو وی رێخستنەک ب ناڤێ «ئهکادمیا سیاسەتا دەمۆکراتیک» دامهزراندیه. گولپی، دیار کر کو وی سەرهدانا هەموو لایەنێن سیاسی یێن باشوورێ کوردستانێ کرییە دا کو پشتگریێ بدەنه رێخستنا وی، بال کشاند سەر یهنهكێ و گۆت کو د سەرهدانا خوە دا، پێشنیارا «هەموو دەرگههـ دێ ژ بۆ وی هێنه ڤەکرن، ئهگهر ئەو ل دژی بارزانی كار و خهباتێ بكهت» لێ هاتیە کرن.
گولپی گۆت: «من د سالێن 2016-2017ێ دا رێخستنەک دامەزراند، رێخستنەکا رۆناکبیری بوو. ناڤێ وێ ئهکادمییا سیاسەت و رامانێن دەمۆکراتیک بوو. وی دەمی، مە سەرهدانا گەلەک پارتییان کر و ژ یهنهكێ و پارتیێن دی ژی هاریكاری خوەست. مە راڤە کر کو ئەڤه نەگرێدایی چ پارتیەکێ یە، لێ رێخستنەکا گشتییە کو ژ بۆ پێشخستنا رامانا سیاسی ل کوردستانێ هاتیە دامهزراندن. ئەز چووم جهم وان، و وان ژ من را گۆتن، «هەکە تو ل دژی مەسعوود بارزانی كار بكهی، ئەم دێ هەر تشتهكی بۆ تە كهین، هەتا دێ ته ب قاسم سلێمانی ژی دهینه نیاسین».
گولپی بەردەوام کر و گۆت، «من هێژ ژی بەرسڤا وان نەدایە». ب ڤی شێوازی هەلوەستا خوە دیار کر.
کێ ئەڤ پێشنییاره دا گولپی؟
گولپی کەسەکی نێزیکی پهكهكێ یە و هەروهها پهیوهندیێن وی ل گهل یهنهكێ ژی هەنە. لهوما ژی ئەو ب پێدڤی نابینیت ژ بۆ پەسندارییا پهدهكێ ڤان تشتا ببێژیت.
گاڤا ئەم ل ئاخفتنا گولپی و وی سەردەمی دنێرین، ب زەلالی خویا دبیت کو یهنهكێ ئەڤ پێشنیاره پێشکێشی گولپی کرییە. ئەڤه ژ بەر کو یهنهكه ل سلێمانیێ تەکانە رێخستنا کو خودان هێزه کو ڤێ پێشنیارێ بكهت. وی دەمی قاسم سلێمانی رۆژانە یهنهكه برێخستن دکر.
«تەڤگەرا دژه-بارزانی» یا کو د سالا 2016ێ دا دەست پێ کری و هێزێن ل پشت وێ تەڤگەرێ
داخویانیێن گولپی ب تایبەتی گرنگن ژ بەر کو ئەو بالێ دكێشیته سەر ناڤەندا دژه-پهدهكێ و بارزانی یا کو پشتی 2014ێ دەست پێ کری. ئەو هەروەها ب زەلالی هێزا ل پشت «تەڤگەرا دژه-بارزانی» یا کو د وی دەمی دا ژ هێلا یهنهكێ و پهكهكێ ڤە هاتبوو دەستپێکرن ئاشکەرە دکەت. پشتی کو سەرۆکێ وێ جەلال تالابانی د سالا 2012ێ دا نەخۆش کەتی، یهنهكه ب تەمامی بوو دووڤکێ ئیرانێ.
پشتی جەمیل باییک وەک هەڤسەرۆکێ كهجهكێ د تەباخا 2013ێ هاتییه دهستنیشان كرن، پهكهكێ قەبوول کر کو ببیته پێکهاتەیەک ژ ئهجێندایا ئیرانێ. وەکی کو بەرێ د مەدیایێ دا هاتبوو راگههاندن، قاسم سلێمانی د سالا 2016ێ دا ل گهل سەرۆکێ وی دەمی یێ پهكهكێ و هەڤسەرۆکێ كهجهكێ جەمیل باییک تەڤگەرییا، تام وەکی کو گولپی دەستنیشان کری. ل گۆری راپۆرتێن مەدیایێ، كۆمبوون ل سلێمانیێ هاتبوو كرن. ل سلێمانیێ ستراتیژیەکا ههڤپشك یا یهنهكێ و پهكهكێ، ب هەڤکارییا حهشدا شهعبی دانا دا کو هەولێرێ ژ ناڤ ببهن و ب زەختەکا پرئالی د خوەستن بزاڤا بارزانی تەسلیم بگرن.
قاسم سلێمانی د سالا 2020 ێ دا هات کوشتن، لێ رێبازا وی هەتا رۆژا ئیرۆ ژی بەردەوامه. ئێریشا ل سەر هەولێرێ ب مووشەکێن ئیرانی، ملیسێن ئیراقی و ئێرشا درۆنی یهك ژ پلانێن تێکبرنا هەولێری بوون. ئێریشا مژدارا بۆری یا ل سەر زەڤییێن گازا کۆر مۆر، و دیسا د 29ێ مژدارێ دا، پرۆڤۆکاسیۆنا کو ل ناڤچەیا خەباتا هەولێرێ سازیا پەترۆلێ یا لانازێ هەدەف گرتی، ژ هێلا یهنهكێ و حهشدا شەعبی ڤە ب ب کارئینانا هندهك ئەندامێن عەشیرێن ل دهڤهرێ هاته کرن، هەمی بەشەک بوون ژ ڤان پلانێن وێرانکار.
و ئەو سیاسەت ئیرۆ ژی بەردەوام دکەت. ژ بۆ تێگههشتنا بنگەها ئێریشا ل سەر کۆر مۆر د سالا 2025ێ دا و پرۆڤۆکاسیۆنێن کو ل گوندێ لاجانێ هاتن کرن، کو خوە ل پشت عەشیرا هەرکی ڤەشارتن، پڕ گرنگن. ژ بۆ ئەولەهییا نەتەویی پێدڤییە کو پڕ کوور دوڤچوون بهێنه کرن.
رێخستنا کو گولپی دامەزراندی ب کێ ڤە گرێدایی بوو؟
تێ زانین کو گولپی، د ناڤبەرا سالێن 2003 و 2010ێ دا وەکی سەرۆکێ پارتیا چارەسەرییا دەمۆکراتیک یا کوردستانێ (PCDK) کار د کر، کو ژ هێلا پهكهكێ بوو باشوورێ کوردستانێ ئەڤ رێخستنه هاتبوو دامەزراندن. د سالێن 2003 و 2010ێ دا، ژ بەر دوورکەتنا پهكهكێ ژ رێگەزا کوردستانی و زەختا کادرێن پهكهكێ، ئەوی نهشیا كار بكهت و دهست ژ كار كێشا. د سهر ڤێ یەکێ را ژی، گولپی پهیوهندیێن خوە ل گهل پهكهكێ قوت نەکرینە. د چارچۆڤەیا ئینیسیاتیفا کو د سالا 2015ێ دا ل سلێمانیێ دەست پێ کری، پهكهكێ داخواز کر کو گولپی ئهكادمیهكێ دامهزرینیت و ناڤێ وێ بکەته «ئهکادمیا زانستێن سیاسی یا ئەڤدلا ئۆجالان». لێ بەلێ، ژ بەر شەرت و مەرجان ناڤ هات گوهارتن.
ئاکادمییا سیاسی یا کو گولپی بەحس دکەت، رێخستنەکا سەر ب پهكهكێ ڤە یە. لێ بەلێ، پشتی کو ب رێیا ڤێ ئهكادمیایێ پهكهكێ ل گهل گەلەک دەردۆران پهیوهندی چێكرین، ئێدی ئەڤ ئهكادمییه هاته فهسخ كرن.
