قرێژا مهزلووم عهبدی و ئیلھام ئهحمهدێ
ھۆشەنگ ئۆسی
د داخویانیا خوە یا ھەری داوی دە، فەرماندارێ باسکێ لەشکەری يێ پهكهكێ موراد قارایلان (جەمال) گۆت: دەولەتا ترک ب ئاوایەکی پراكتیکی پێڤاژۆیا ئاشتیێ جەمداندیە. ئەڤ یەک راستە… ژ بەر کو دەولەتا ترک گەلەک دەستکەفتی ل سووریەیێ ب دەست خستن، یا ھەری گرینگ: ب تەمامی ژناڤبرنا ھێز و دەستکەفتیێن کوردان یێن کو ژ ئالیێ ئامەریکا و ئەورۆپایێ ڤە دھاتن پشتگریکرن.
لەوما ئهڤ سەرکەفتنا کو ترکیەیێ ل سووریەیێ ب دەست خستی پێكنهدهات، ھەگەر نە ژ وان رێنهما و فەرمانێن ئۆجالان یێن بۆ ههسهدێ و جیبجیکرنا وان ژ هێلا مهزلووم عهبدی، ئیلھام ئهحمهد و سەرکرداتییا پهیهدێ ڤه، کو د بنگەھ ده ئهو فەرمانێن ئیستیخباراتا ترکیەیێ بوون.
تركیهیێ رۆژئاڤا ب خێرا ئۆجالان ژ ناڤ بر
ب ڤی ئاوایی، ترکیەیێ داگیرکرنا خوە یا ل سووریەیێ تەمام کر و نۆح یلماز (غازی کەنعانێ ترکیەیێ) وەکی بالیۆز ل شامێ ب جھ کر، کو ئەو سەرۆکێ راستین یێ سووریەیێ یە نە کو ئەبوو محەمەد ئەل-جۆلانی. بەلێ، رووخاندنا ھێزا لەشکەری یا کوردی و بەلاڤکرنا وێ، ونداکرنا چاڤکانیێن ئەنەرژی و ئاڤێ و ھەموو بنگەھێن دەولەتبوونێ یان ھەرێما فەدەرال، و تێکبرنا تۆرا تێکلیێن دیپلۆماتیک و ئەولەھیێ یێن کو ههسهدێ ئاڤا کربوون؛ ئەڤ ھەموو ب خێرا گوھدانا مهزلووم عهبدی و ئیلھام ئهحمهدێ بۆ فەرمان و رێنمایێن ئۆجالان پێک ھاتن.
خوەدیێن پرۆژەیێن خەیالی، یێن ئۆجالانی یێن پووچ و کەتی
نھا، پشتی کو مهزلووم عهبدی و ئیلھام ئهحمهدێ ھەموو خال و چاڤكانیێن ھێزا خوە وندا کرن، روومەتا خوە د ناڤ دەردۆرێن ئەورۆپی و ئامەریکی دە ژی وندا کرن. گەلۆ چ دێ بھێلە کو ئامەریکا و ئەورۆپا رێزێ ل ڤان ھەر دو سەرکردەیێن تێکچوویی، ھەژیایی و ئۆجالانی بگرن، پشتی کو ھێزا وان یا لەشکەری د ناڤا 48 ساعەتان دە ھلوەشیایی؟ دەولەت رێزێ ل وی کەسی دگرن کو ل سەر ئەردێ خوەدی ھێز و ئابۆری بە، رێزێ ل خوەدیێن پرۆژەیێن خەیالی، یێن ئۆجالانی یێن پووچ و کەتی یێن مینا ئەنتەگراسیۆنا دەمۆکراتیک، نەتەوەیا دەمۆکراتیک، و کۆمارا دەمۆکراتیک… و هتد، ناگرن.
ئەورۆپا و ئامەریکایێ دەستێن خوە ژ ههسهدێ و ژ کوردان شووشتنە
یێ کو مەدیایا کۆما خاپۆچییان (ئۆجالانییان) دشۆپینە، دێ وێ داخوازی و قیژەقیژا کو خاپۆچی (ل قەندیلێ و د ناڤ دەم پارتیێ دە) دهوام دوبارە دکن ببینە؛ ئانكو داخوازیێن کو ترکیە قانوونەکا عەفوویێ ژ بۆ وان دەرخینە دا کو پرۆسەیا تەسلیمبوونێ ھێسان ببە. لێبەلێ دەولەتا کوور ڤێ یەکێ رەد دکە، ژ بەر کو ئەورۆپا و ئامەریکایێ دەستێن خوە ژ ههسهدێ و ژ کوردان شووشتنە. ههروهها ھەموو ترسێن ترکیەیێ ژ ھۆلێ رابوون، و ئەو مەترسیێن کو ترکیەیێ ددیتن کو رێڤەبەریا ل باکورێ سووریەیێ ببیته مۆدێلەکا خوەسەریێ د ناڤ سووریەیێ دا و ترکیە ببە جیرانێ دو رێڤەبەریێن کوردی ل سەر سینۆرێن خوە یێن باشوورھەموو بەلاڤ بوون.
تشتەک نەمایە کو ترکیە ژێ بترسە
ژ بەر ڤێ یەکێ، ئێدی تشتەک نەمایە کو ترکیە ژێ بترسە، و ئەڤ فەدا ھەموو ب خێرا زلامێ ئیستیخباراتێ ئابدوڵاھ ئۆجالان و گەفێن وی ل سەر مهزلووم عهبدی و ئیلھام ئهحمهدێ پێک ھات.
ترکیەیێ پرۆسەیا ئاشتیێ جەمداند ژ بەر کو وێ پرۆژەیا خوەسەریێ و دەولەتا نەتەوەیی یا راستین ل سووریەیێ رووخاند. ترکیەیێ ئەو تشتێ کو ژێ رە پرۆسەیا ئاشتیێ تێ گۆتن جەمداند ژ بەر کو ئەنقەرە ھەوجەیی چەکا پهكهكێ یە ل دژی باشوورێ کوردستانێ و ل دژی پارتیێن کوردستانی یێن ل ئیرانێ. ترکیەیێ ئەو پرۆسە جەمداند ژ بەر کو نھا بێچەککرنا پهكهكێ خزمەتا بەرژەوەندیێن ستراتەژیک یێن ترکیەیێ ل ئیراقێ و ئیرانێ ناکە. بێچەککرنا ڤێ کۆمێ، ھنجەتێن دەستوەردانا ترکیەیێ د باشوورێ کوردستانێ و رۆژهلاتێ كوردستانێ دا ژ ھۆلێ رادکە.
ترکیەیێ ئۆجالان وەکی کاغەزا تهوالێتێ ب کار ئانی، ئۆجالان ژی پەیایێن خوە یێن د ناڤ کوردێن سووریەیێ دا ب ههمان پیساتی و سەرسەریهتی ب کار ئانین
ئەو تێکچوون و تەسلیمبوونا کو ئۆجالان ل سەر ههسهدێ فەرز کری و گوھدانا مهزلووم عهبدی و ئیلھام ئهحمهدێ بۆ گەفێن وی؛ من بەرێ ژی وەکی کارەساتەکە هێژ تال تر و دژوارتر ژ تێکچوونا 1975ێ و ھلوەشینا شۆرەشا کوردستانێ یا پشتی ئیمزاکرنا پەیمانا جەزائرێ وەسف کربوو.
ب کورتاسی: ترکیەیێ ئابدوڵاھ ئۆجالان وەکی کاغەزا تهوالێتێ ب کار ئانی، و ئۆجالان ژی پەیایێن خوە یێن د ناڤ کوردێن سووریەیێ دا ب ههمان پیساتی و سەرسەریهتێ ب کار ئانین. ب ڤی ئاوایی، ئەم دکارن ب زەلالی ئاماژێ بدن ھەموو (ژەنەرالێن قرێژا سیاسی و لەشکەری) د ناڤ کوردێن سووریەیێ دە، یێن کو ب کوورهیی ل پەی سەرکێشیا ئۆجالان دچن.
