p.language-links a { text-decoration: none; color: black; background-color: #e0e0e0; /* default gray */ padding: 4px 8px; border-radius: 0px; font-size: 13px; transition: background-color 0.3s; } p.language-links a:hover { background-color: #ca0000; color: white; } p.language-links a.active { background-color: #ca0000; /* active URL */ color: white; }
سەردانا ئیمرالیێ؛ دەنگۆیەكا میدیایی یان جڤینەکا ب مه‌بست هاتیە ڤەشارتن؟
ھەڤسەرۆکا دایرەیا پێوەندیێن دەرڤەیا رێڤەبەریا خوەسەر ئیلھام ئه‌حمه‌د رادگهینه كو وان ت هه‌ڤدیتنه‌ك ب ئۆجالان نه‌كرییه و ئێحتیمالا هه‌ڤدیتنه‌ك وها هێژان چێنه‌بوویه.
د 12ێ گولانێ دا، دارکا مازی نووچەیەک ب سەرناڤێ “ما مه‌زلووم عه‌بدی چوویە ئیمرالیێ؟ راستی چیە؟” وەشاند. ئەڤ نووچە ھەر چەنده د مەدیایا کوردی دا پڕ نەھاتبە نیقاشکرن ژی، لێ د مەدیایا ترکیێ دا بوو سەدەما نیقاشان.
د نووچەیا داركا مازی دا كو بنگه‌ها وێ چاڤكانیێن پێباوه‌ر و گرنگن، ھاتبوو گۆتن کو مه‌زلووم عه‌بدی و ئیلھام ئەحمەد سەردانا ئیمرالیێ کرنە و ب ئۆجالان رە جڤیانە.
ھن دەزگەھێن مەدیایێ ئەڤ نووچە ل گۆری رۆژەڤێن خوە یێن سیاسی شیرۆڤە کرن، ھنه‌كێن دن ژی ئیدیعا کرن کو نووچە نە راستە.
ئیرۆ رۆژا سێشه‌می 19 گولانا 2026ێ ھەڤسەرۆکا دایرەیا پێوەندیێن دەرڤەیا رێڤەبەریا خوەسەر ئیلھام ئه‌حمه‌دێ ب رێیا حەسابێ خوە یێ Xێ داخویانیەک بەلاڤ کر.
ئیلھام ئه‌حمه‌دێ د داخویانیا خوە دە ئانی زمان: “د رۆژێن داوی دە نووچەیەک بەلاڤ بوویە کو ئەم ل ئیمرالیێ ب عه‌بدوللا ئۆجالان رە جڤیانە و مە ھەڤدیتن کریە”.
هه‌روه‌ها گۆت: “ئەم ژ رایا گشتی رە دیار دکن کو ئەڤ نووچە ب چ ئاوایی نە راستە. ت ھەڤدیتن چێنەبوویە و ئحتیمالا ھەڤدیتنەکێ ژی تونە.”
نووچه‌یا هه‌ڤدیتنا مه‌زلووم عه‌بدی و ئیلهام ئه‌حمه‌دێ یا ب ئۆجالان ره د مه‌دیایا تركیێ ده ب ئاوایه‌كی به‌رفه‌ره‌هـ به‌لاڤبوو و بوو جیهێ نیقاشێ.
داركا مازی ل شه‌ڤا ده‌رباسبوویی ژی مژاره‌ك به‌رفه‌ره‌هـ ده‌ربارێ سه‌ردانا مه‌زلووم عه‌بدی و ئیلهام ئه‌حمه‌دێ یا ئیمرالیێ پارڤه‌كر و سه‌ده‌مێن ب ڤه‌شارتی هێلانا مژارا هه‌ڤدیتنێ ئاشكه‌ره كربوون.
دەربارێ نووچەیا دارکا مازی یا ب مانشێتا “مه‌زلووم عه‌بدی چوویە ئیمرالیێ” داخویانی دا
