نیازێن ئەنقەرێ خەرابن.. دەولەتا ترك چاوا ئۆجالان بۆ بێهێزکرنا کوردان ب کار تینه؟!
سەبری ئۆک، ئەندامێ کۆنسەیا رێڤەبەر یا كهجهكێ راگهاند كو پێڤاژۆیا ئاشتیێ نهخهتمیه لێ راستی ئاستهنگیێن مهزن هاتییه و گۆت: تركیه هێژان ژی بهحسا تهرۆرێ دكه و ئارمانجا دهولهتێ تهنێ بێچهككرنا مهیه.
سەبری ئۆک د هەڤپەیڤینەکێ ده ب رۆژنامەیا “Avvenire” یا ئیتالی هن نرخاندن دهربارێ پێڤاژۆیا ئاشتیێ و پێشهاتێن دەڤەرێ كرن.
سهبری ئۆك دبێژه؛ عهبدوللا ئۆجەلان د بانگا خۆ یا سباتا 2025ان ده پێڤاژۆ ب “پێڤاژۆیا ئاشتی و جڤاکا دهمۆكراتیك”، ناڤ كر، لێبهلێ دهولهتا ترك هێژان بەحسا “تەرۆرێ” دكه و ئارمانجا وێ تنێ بێچەککرنا مە یە.
ئهڤ گۆتنا سهبری ئۆك دهێته واتهیا كو نیازێن ئهنقهرێ دهربارێ پێڤاژۆیێ خهرابن و ئهو پێڤاژۆیێ تهنێ وهكه ئاموورهكی بۆ بێهێزكرنا كوردان ب رییا ئۆجالان ب كار تینه. ژ بهر كو ل گۆری رهوشا ههیی ئۆجالان ئهڤ پێڤاژۆ ژ بۆی بهرژهوهندییا تركیهیێ دهست پێ كر دهما كو بێی شهرت و مهرج و بێی چ گارانتیێن دهستووری ژ بۆی كوردان، رێخستن هلوهشاندی.
ههر رۆژ پهسنێ ئۆجالان ددن
ئۆجالان د ههموو بانگهوازیێن خوه ده چارهسهری د دابینكرنا مافێن دهستووری و گارانتیێن قانوونی ده ژ بۆی كوردان نهدیت، نهگۆت نهتهوهیا كورد لێ گۆت: نهتهوهیا دهمۆكراتیك و ئهنتهگراسیۆن!، ڤێ یهكێ ژی تركیه بهێز كر و كورد بێهێز، لوما ژی دهولهتا ترك و نهژادپهرستێن وێ ههر رۆژ پهسنێ ئۆجالان ددن ژ بۆی ڤێ خزمهتا لاییق یا كو پێشكێشی دهولهتێ كری.
دهربارێ شهر و پهڤچوونێن ل باشوورێ كوردستانێ، سهبری ئۆك رێڤهبهرێ پهكهكهیا هلوهشیایی دبێژه: ل دەڤەرێن پاراستنێ یێن مهدیایێ ئاگرپەستەکا دوئالی هەیە. شهر د نێڤبەرا گەریلا و ئارتێشا ترك ده تونه، لێ ئارتێشا ترك خهباتێن خوه یێن هەوالگیری و تهڤگهرێن خوه یێن سەربازی بەردەوام دکە.
شهرت و مهرج ئۆجالانه!
سهبری ئۆك دهربارێ ستاتۆیا ئۆجالان، وی وهكه تهڤ رێڤهبهرێن دن یێن پهكهكێ گۆت: ژ بۆی سەرکەتنا پێڤاژۆیێ، دڤێ ئۆجالان وەکه موخاتەب و دانوستاندکارێ سەرەکه وهره قەبوولکرن و ستاتۆیا کارکرنا ئازاد ژێ ره وهره دیار كرن.
سهبری ئۆك د بهشهكا ئاخافتنێن خوه ده دهولهتا تركیهیێ رهخنه دكه و دبێژه ئهو هێژان بهحسا تهرۆرێ دكه و پێڤاژۆ راستی خهتهریێن مهزن هاتییه، ل ئالیێ دن چارهنووسا پێڤاژۆیێ ب رهوشا ئۆجالان ڤه گرێدده.
تهڤی دهربازبوونا سالهك و 4 مههان ل سهر بانگا ئۆجالان یا سباتا 2025ان، لێ هێژان د پراتیك ده ت گاڤێن بهربچاڤ ژ هێلا ئهنقهرێ و پهكهكێ ڤه دهربارێ ئاشتییا مایینده نههاتنه ئاڤێتن، مهرجێن ئهنقهرهیێ چهكدانینا بێی شهرت و مهرج یا رێخستنا پهكهكێ و تهڤ باسكێن وێ یه، لێ پهكهكه دبێژه: دڤێ ئهول رێزكنامهیێن قانوونی وهرن دهرخستن.
ستراتهژییا دهولهتێ تام بهرهڤاژی یه
سهبری ئۆک دبێژه دڤێ گاڤێن دهمۆكراتیك بێن ئاڤێتن، ئانگۆ یاسا و رێسایێن تایبهت ب پێڤاژۆیا ئاشتیێ ڤه ل پارلامهنتۆیێ بێن پهژراندن، لێ ستراتهژییا دهولهتێ تام بهرهڤاژی ڤێ نهرینێ یه کو دخوازه بێی پێشکێشکرنا ت مافێن دەستووری، پێڤاژۆ وهره برێڤهبرن و پهكهكه بێی شهرت و مهرج چهكان باڤێژه.
تهڤی كو رێخستنا پهكهكێ دووپاتیێ ل سەر بانگا ئۆجالان ژ بۆی ب داوی كرنا خهباتا چهكداری و گوههرینا وێ بۆ خهباتا دهمۆكراتیك دكه، لێبهلێ هێژان ژی دهریێ چهكان ل ژێر ناڤێ “مافێ خوهپاراستنێ” نههاتییه گرتنێ.
ئاخافتنێن سهبری ئۆك نیشانهیا وێ یهكێ نه كو “پێڤاژۆیا ئاشتیێ” یا كو تركیه وێ وهكه پێڤاژۆیا تركیهیا بێ تهرۆر ناڤ دكه، زێدهتر د قۆناغا “پاشكهتنێ” ده یە و ت پێشڤهچوونێن ب خوه ڤه نهدیتنه.
