دادگەھا لێپرسینێ یا مووسلێ (ئالیێ چەپێ) فەرمانەکا دەستەسەرکرنێ ژ بۆ مەروان حەجی مەلکۆ، کو فەرماندارێ فەوجا 79ێ یا حەشدا شەعبی یا ل ناحیەیا سنوونێیە، دەرخست.
چاڤکانیێن دارکا مازی دان زانین، ل گۆری نڤیسارا فەرمی یا دادگەھێ کو د 13ێ ئیلۆنا 2026ێ دە ھاتیە شاندن بۆ رێڤەبەریا سووج و تەڤگەرێ یا سەر ب سەرۆکاتیا پۆلیسێن نەینەوایێ ڤە، ئەڤ فەرمان ل سەر سکالایا وەلاتی مەحموود عەزیز ئەحمەد ھاتیە دەرخستن داکو رێکارێن یاسایی بهێن وەرگرتن.
مەروان حەجی مەلکۆ (ب ناسناڤێ ھادی نەجار) د سالا 1990ێ دە ژ دایک بوویە، ئێزیدییە، ژ ھۆزا کۆرکییە و ل کۆمەلگەھا بۆرکا سەر ب ناحیەیا سنوونێ ڤە ئاکنجییە.
ھەر چەند ئەڤ فەوجا حەشدا شەعبی (فەوجا 79) ب فەرمی سەر ب لیوایا 75ێ یا دیاب فەواز ئەل-جەربا ڤە بە ژی، لێ ب کریاری ل گۆری بەرژەوەندیێن کۆما “کەتائیب سەید ئەل-شوھەدا” ل سینۆرێ ناحیەیا سنوونێ کار دکە و بارەگەھا فەوجێ ژی ل ناڤا سینۆرێ ناحیەیێیە.
