ل 2007ێ جانێ خوه ژ ده‌ست دانه و ژ نوو ڤه مرنا وان راگهاند
په‌كه‌كه‌یا هلوه‌شیایی ئیرۆ ناسنامه‌یا 15 چه‌كدارێن دن یێن رێخستنێ ئاشكه‌ره كرن كو ژ 2007ێ ڤه جانێ خوه ژ ده‌ست دا نه و ژ نوو ڤه مرنا وان ئیفشا كر، هه‌موو ژ رۆژهلاتا كوردستانێ نه.
ئیرۆ رۆژا دوشه‌می 9 مژدارا 2026ێ رێخستنا په‌كه‌كێ ناسنامه‌یا 15 جوانێن دن یێن كوردان ژ رۆژهلاتا كوردستانێ ئاشكه‌ره كر، 7 ژێ كه‌چ كو ژ سالا 2007ێ ڤه جانێ خوه ژ ده‌ست دا نه و ژ نوو ڤه مرنا وان هات راگهاندن.
ئه‌ڤ گه‌ریلا د ده‌م و سالێن جودا ده د ناڤبه‌را سالێن 2007 هه‌یا 2019ێ ل هه‌رێمێن حه‌فته‌نین، شه‌مزینان، جیلۆ، بۆتان یێن باكورێ كوردستانێ هه‌روه‌ها ل هه‌رێمێن قه‌ندیل، خاكورك و زاپێ یێن باشوورێ كوردستانێ كه‌تنه به‌ر ئێریشێن ده‌وله‌تا ترك و جانێ خوه ژ ده‌ست دا نه.
ناڤێن وان ووسایه:
چیچه‌ك محمه‌مه‌د.
ره‌شید سه‌عید.
گولیزار محه‌مه‌د.
زه‌هرا عادل.
نه‌عیمه حه‌سه‌ن.
ئه‌حمه‌د ئیبراهیم.
كامیله یاسین.
سه‌كینه نه‌بیه.
ره‌حیم عه‌بدولعه‌زیم.
سیپان فه‌خره‌ددین.
عه‌لی به‌كر.
به‌هنام جه‌عفه‌ر.
محه‌مه‌د سلێمان.
ره‌سوول حه‌سه‌ن فیرده‌وس.
شه‌یدا محه‌مه‌د.
ئه‌ڤ گه‌ریلا هه‌موو باژارێ ماكوو یێ رۆژهلاتا كوردستانێ نه.
په‌كه‌كێ ناسنامه‌یا ڤان جوانان ئیلان كر و د په‌سنێ وان ده گۆتییه ئه‌و ملیتانێن مه یێن ئاپۆیی بوون، خوه فه‌دایێ ئاپۆ كرن.
په‌كه‌كه‌یا هلوه‌شیایی ل رۆژێن رابووری ژی ناسنامه‌یا 179 شه‌هیدێن رۆژئاڤا ئاشكه‌ره كربوو و موراد قارایلان رێڤه‌به‌رێ په‌كه‌كێ گۆتبوو: ئاگاهی ده‌ره‌نگ گهیشتن مه، هایا مه نه‌بوو كو هه‌ڤالێن مه وه‌ندانه!!.
