مەسعوود پزیشکیان بوو بە سەرۆک کۆماری نوێی ئێران

ڕێژەی بەشداریکردن لە خولی دووەمی هەڵبژاردنە پێشوەختەکەی سەرۆککۆماری ئیراندا، 49.8٪ ڕاگەیەندراوە.

ئەنجامی خولی دووەمی هەڵبژاردنی سەرۆکایەتی کۆماری ئێران ڕاگەیەندرا و مەسعوود پزیشکیان وەکوو سەرۆککۆماری کۆماری ئیسلامیی ئێران دیاریکرا.

خولی دوەمی هەڵبژاردنی سەرۆککۆماریی ئێران ڕۆژی هەینی 5/7/2024، لە ناوخۆ و دەرەوەی ئێراندا بەڕێوەچوو و مەسعوود پزیشکیان و سەعید جەلیلی ڕکابەرەیاتی بەدەستهێنانی پۆستەکەیان دەکرد.

ڕێژەی بەشداریکردن لە خولی دووەمی هەڵبژاردنە پێشوەختەکەی سەرۆککۆماری ئیراندا، 49.8٪ ڕاگەیەندراوە وەزارەتی ناوخۆی ئێران دەڵێ پزیشکیان 55%ی دەنگەکانی بەدەستهێناوە.

مەسعوود پزیشکیان لە بەرەی ڕیفۆرمخوازەکانی ئێران، 16 ملیۆن و 384 هەزار و 403 دەنگی بەدەستهێناوە و لە بەرانبەردا سەعید جەلیلی لە بەرەی موحافزەکارەکان 13 ملیۆن و 538 هەزار و 179 دەنگی بەدەستهێناوە.