ئەوانەی دەستبەسەر کراون، پاش وەرگرتنی ئیفادە لە بەڕێوەبەرایەتی ئەمنیەی ئیستانبووڵ، ڕەوانەی دادگا کراون.
لە پارێزگای “ئەستەنبۆڵ”ی تورکیا هێزە ئەمنیەکانی ئەو وڵاتە، لە ماوەی 5 ڕۆژدا هەزار و 923 کەسیان دەستبەسەر کرد.
بەگوێرەی میدیا فەرمییەکانی تورکیا، تیمەکانی بەڕێوەبەرایەتی ئاسایشی ئیستەنبوڵ، ئۆپەراسیۆنێکیان لە دژی ئەو کەسانە ئەنجامداوە کە بڕیاری دەستگیرکردنیان بۆ دەرچووە و ڕەوانەی زیندانیان کردوون.
لە ماوەی 5 ڕۆژدا هێزە ئەمنییەکانی تورکیا هەزار و 462 کەسیان دەستبەسەر کردووە کە فەرمانی دەستگیرکردنیان بۆ دەرچووە و 461 کەسیشیان سزای زیندانیکردنیان بەسەردا سەپێندراوە.
هێزە ئەمنییەکان هەزار و 923 کەس لەوانەی کە دەستبەسەر کراون، پاش وەرگرتنی ئیفادە لە بەڕێوەبەرایەتی ئەمنیەی ئیستانبووڵ، ڕەوانەی دادگا کراون.
