مەسرور بارزانی و وەزیری دەرەوەی تورکیا دۆخی گشتیی ناوچەکەیان تاوتوێ کرد
“هەردوولا هاوڕابوون لە سەر گرنگیی پاراستنی ئاشتی و ئارامی و سەقامگیریی ناوچەکە”.
مەسرور بارزانی، سەرۆکی حکوومەتی هەرێمی کوردستان، پەیوەندییەکی تەلەفۆنیی لە هاکان فیدان، وەزیری دەرەوەی تورکیاوە پێگەیشت.
بە گوێرەی راگەیەنراوێکی حکوومەتی هەرێمی کوردستان، لە پەیوەندییەکەدا، گفتوگۆ لەبارەی دۆخی گشتیی عێراق و هەرێمی کوردستان و دوایین پەرەسەندنەکانی شەڕ و گرژییەکانی ناوچەکە کرد.
وەک ئەوەی ئاماژەی پێ کراوە، “هەردوولا هاوڕابوون لە سەر گرنگیی پاراستنی ئاشتی و ئارامی و سەقامگیریی ناوچەکە”.
