لە دربێسیێ خۆپیشاندان دژی بەرزبوونەوەی نرخەکان و تێکچوونی باری گوزەران بەڕێوەچوو
خۆپیشاندەران دژی سەختییەکانی ژیانی ڕۆژانە و کەمبوونەوەی دەرفەتەکان دروشمیان بەرزکردەوە.
لە شاری دربێسیێی ڕۆژئاوای کوردستان هاووڵاتییان دژی بەرزبوونەوەی نرخی سووتەمەنی و تێکچوونی باری گوزەران، خۆپیشاندانیان ئەنجامدا.
دانیشتوانی ئەو شارە لە ناوەندی شاری دربێسیێ گردبوونەوە و ناڕەزایی خۆیان لە بەرزبوونەوەی نرخی پێداویستییە سەرەتاییەکان و سووتەمەنی دەربڕی. خۆپیشاندەران دژی سەختییەکانی ژیانی ڕۆژانە و کەمبوونەوەی دەرفەتەکان دروشمیان بەرزکردەوە.
خۆپیشاندەران داوایان لە لایەنە پەیوەندیدارەکان و ئیدارەی ناوچەکە کرد بەرپرسیارێتی خۆیان هەڵبگرن و بەمەبسەتی چارەسەرکردنی قەیرانی ئابووری بە زووترین کات و کەمکردنەوەی بارگرانی لەسەر هاووڵاتیان، هەنگاوی گرنگ بنێن.
