ترامپ دێ پرۆژەیێ ئاشتیێ د ناڤبەرا ئیسرائیلێ و فه‌له‌ستینێ دا راگه‌هینیت

دۆنالد ترامپ، سه‌رۆكێ ئەمەریکایێ راگه‌هاند، ئه‌و دێ ل حه‌فتییا بهێت، هوورگلیێن پرۆژەیا ئاشتییا د ناڤبەرا ئیسرائیلێ و فەلەستینێ دا ئاشكرا بکەت، بریارە راگهاندنا ڤێ پرۆژەیی ل دەما سەرەدانا سەرۆک وەزیرێ ئیسرائیلێ ژ بۆ کوچکا سپی بهێت راگه‌هاندن.

ستیفانی گریشام په‌یڤدارا کۆچکا سپی ب بەلاڤکرنا راگهاندنەکێ ئاشکرا کر کو دۆنالد ترامپ دێ د دەما چار رۆژێن بهێت دا ل کۆچکا سپی، پێشوازیی ل بنیامین نەتەنیاهۆی سەرۆکوەزیرێ ئیسرائیلێ كه‌ت.

د ڤێ راگهاندنێ دیسان ئاشكرا کرییە کو بنی گانتر، سەرۆکێ ئێتێلافا شین و سپی ژی داخوازا سەرۆک دۆنالد ترامپ ژ بۆ ئامادەبوونێ ل کوچکا سپی قەبوول کرییە.

ئارمانجا سەرەکی ژ ڤێ ئامادەبوونێ گوتۆبێژ کرنه‌ دەربارێ بەرژەوەندیێن ئەولەهی یێن هەڤپار د ناڤبەرا ئەمەریکا و ئیسرائیلێ د ناڤچەیا رۆژهلاتا ناڤین و رەوشا ناڤدەولەتی هاتییە راگهاندن.

دۆنالد ترامپ، ژ مەدیاکاران را راگهاند پێش ئامادەبوونا بەرپرسێن ئیسرائیلی ل کۆچکا سپی، دێ پرۆژەیێ ئاشتیێ د ناڤبەرا ئیسرائیلێ و فەلستینێ ئاشكرا بکەت.

ترامپ راگهاند ئەڤ پرۆژەیە د شیاندایە بهێته‌ پراکتیزە کرن، فەلستینییان ل دەستپێکێ کارڤەدانەکا نەگەتیڤ نیشان دا، لێ بەلێ پراکتیزە کرنا ڤێ پرۆژەی ژ بۆ وان بەرژەوەندی تێدا یە.

مایک پێنس جێگرێ سەرۆکێ ئەمەریکایێ ژی کو ژ بۆ بەشداریکرنێ د پێنجەمین جڤینا هۆلۆکۆستێ دا چووبوو ئۆرشەلیمێ دبێژیت: یەک ژ ئارمانجێن ئامادەبوونا ناتانیاهۆ و گانتر ل کۆچکا سپی، گوتۆبێژکرنە سەبارەت ئەگەرا ب دەستڤەئانینا ئاشتیێ ل ناڤچەیێن کو ب ناڤچەیێن پیرۆز یێن ئۆلی تێن هه‌ژمارتن.