به‌ریتانیا ژ پێله‌كا دن یا به‌لاڤبوونا ڤایرۆسی د ترسیت

حكوومه‌تا به‌ریتانیایێ ئیرۆ ئه‌شكه‌ره‌ كر كو وان ترس هه‌یه‌ پێله‌كا دن یا به‌لاڤبوونا ڤایرۆسا كۆرۆنا یا نوو (كۆڤید-19) ده‌ست پێ بكه‌ت.

به‌رده‌فكێ حكوومه‌تا به‌ریتانیایێ ئیرۆ رۆژا دوشه‌می 20/4/2020ێ ئه‌شكه‌ره‌ كر، هه‌ر سستیه‌كا بكه‌ڤیته‌ د رێكارێن قه‌ده‌غه‌ و رێنمایێن ته‌ندروستیێ دا، دێ كاره‌ساته‌كێ ل په‌ی خوه‌ ئینیت.

هه‌روه‌ها ده‌ست نیشان كر، ئه‌وان ترس هه‌یه‌ كو پێله‌كا دن یا به‌لاڤبوونا ڤایرۆسێ ل به‌ریتانیایێ ده‌ست پێ بكه‌ت، هه‌گه‌ر خه‌مساری بهێته‌ كرن و رێكار بهێن سست كرن.

به‌رده‌فكێ حكوومه‌تا به‌ریتانیایێ ل داوییا گۆتنا خوه‌ دیار كر كو ل ڤێ قۆناغێ وان پێویستی ب له‌زكرنا هه‌ر كاره‌كی هه‌یه‌ كو ل دژی كۆرۆنایێ و رێگرتنێ ل به‌لاڤه‌بوونا وێ بكه‌ت، نه‌ك سست كرنا رێكارێن قه‌ده‌غێ.