ژ پێش ئۆتۆمبێلا بهرپرسێ خوه ڤه 16 كهس رهڤاندن
ژ ههرێما عهفرینێ یا رۆژئاڤایێ كوردستانێ، 16 وەلاتی ژ ئالیێ چەکدارێن ئۆپۆزسیۆنا سووریێ یێن گرێدایی ترکیێ ڤە، ھاتنه رەڤاندن.
رێخستنا مافێن مرۆڤان یا عەفرینسووریە دیار کرییە، رۆژا 27/1/2021ێ ل گوندێ کاخرێ یێ سەر ب باژارۆکێ ماباتایێ ل ھەرێما عەفرینێ، چەکدارێن کۆما «ئەمشات»، ب بههانهیا شەوتاندنا ئۆتۆمبیلا بەرپرسەکێ وان، گرتە سەر مالێن وەلاتیێن گوند و 16 کەس ژ وان رەڤاندن.
ھەروھا دایە زانین، ناڤێ کەسێن رەڤاندی ژی ئەشکەرە کر و گۆت، کەسێن رەڤاندی ژ ئالیێ وان چەکداران ڤە ھاتنە ئیشکەنجە کرن.
رێخستنا مافێن مرۆڤان یا عەفرینسووریە دەستنیشان کرییە، 2 کەس ژ وان ھاتن بەردان و ئازادکرنا وان ژی ب ئهگهرا وێ یەکێ بوو کو ب ژ بەر ئیشکەنجەیێ، رەوشا وان یا تەندورستی خەراب بوو.
14 کەسێن دی ھاتن ڤەگوھاستن بۆ باژارۆکێ شیەیێ سەر ب ھەرێما عەفرینێ، کو بنکەیا سەرەکی یا چەکدارێن وێ کۆمێ ل وێ دەرێیە.
ناڤێ ھەموەلاتیێن کو ژ ئالیێ چەکداران ڤە ھاتنە رەڤاندن:
-
مستەفا مستەفا فاق
-
سەمیر مستەفا فاق
-
عەبدولرەحمان مستەفا فاق
-
فەھمی عەلی
-
وەلات عەلی
-
رفاعی ئیسۆ ئیسۆ
-
رێناس حسۆ محەمەد
-
نەزمی ھمرشو محەمەد
-
محەمەد محەمەد فەوزی
-
رزگار محەمەد محەمەد
-
عارف جابو ریاز
-
محەمەد نسو نەزمی
-
حەمید ئەحمەد خەلیل
-
فاق ئیسو
-
شیار جەمیل
-
جانو خەلیل ئەحمەد
گوندێ کاخرێ، گوندەکی چیایێ کورمێنجە ل ھەرێما عەفرینێ، ل بەشێ وی یێ خوارێ، نەوالا چەرچەم و ل بەشێ باشوورێ رۆژئاڤایێ وی ژی، چەمێ چیرکانلی و میرکانلی ھەنە، نێزیکی 300 مالباتان ل گوند دژین و ب ھەبوونا دارێن زەیتوون، گویز و تری ناسکری یە.
