سەرۆکۆمارێ ترکیەیێ راگھاند، ژ بۆ چەسپاندنا دەستھلاتا دەولەتێ ل شنگالێ پێنگاڤێن گرنگ ھاتنە ئاڤێتن و زێدەتری چار ھەزار ئەندامێن په‌كه‌كێ چوونە ناڤ رێزێن ھێزێن ئیراقێ. ھەر وھا تەکەز کر کو ت پاشڤەچوونەک ژ پرۆسەیا ئاشتیێ نینە و ئەو ب بریارن وێ ب سەرکەفتی ب داوی بینن.
سەرۆکۆمارێ ترکیەیێ رەجەب تاییپ ئەردۆگان دوهـ 9ێ مژدارا 2026ان، پشتی جڤینا کابینەیا حکوومەتا خوە، د کۆنفەرانسەکە رۆژنامەڤانی دە دەربارێ رەوشا ھەرێما شنگالێ و پێشھاتێن پرۆسەیا ئاشتیێ ئاخڤی.
ئەردۆگان د ئاخافتنا خوە دە ئاماژە ب رەوشا شنگالێ کر و راگھاند: “ل شنگالێ ژ بۆ چەسپاندنا دەستھلات و سەروەریا دەولەتێ و ھەر وھا ڤالاکرنا شکەفتان، پێنگاڤێن ب قیمەت و گرنگ ھاتنە ئاڤێتن.”
ھەروھا سەرۆکۆمارێ ترکیەیێ د بەردەوامیا ئاخافتنا خوە دە ئاشکەرە کر کو زێدەتری چار ھەزار ئەندامێن په‌كه‌كێ پەیوەندی ب ھێزێن فەرمی یێن ئیراقێ رە کرنە و تەڤلی وان بوونە.
دەربارێ پرۆسەیا ئاشتیێ و پێنگاڤێن سیاسییێن ناڤخوەیی دە ژی، سەرۆکۆمارێ ترکیەیێ پێداگری ل سەر بریارداریا حکوومەتا خوە کر و گۆت: “ئەم ب بریارن پرۆسەیێ ب سەر بخن؛ ت پاشڤەچوونەک ژ ڤێ پرۆسەیێ نینە و ئەمێ بێ گومان ب ئاوایەکی سەرکەفتی بگھینن ئەنجامێ.”
