د رۆژا جیهانی یا کرێکاران دا پاسدارێن ئیرانێ دو کۆلبەرێن کورد ب گرانی بریندار کرن

پاسدارێن ئیرانێ، ل باژێرێ مەریوان یێ رۆژھلاتێ کوردستانێ، دو کۆلبەرێن کورد ب گرانی بریندار کرن.

مالپەرا مافێن مرۆڤن ایا ھەنگاوێ دیار کر، ل چیایێ تەتە ل نێزیکی باژێرێ مەریوانێ، کۆمەک کۆلبەرێن کورد راستی ئێرشا پاسدارێن ئیرانێ ھاتن.

ھەروھا ل گۆری ئاگاھیان، د وێ ئێرشێ دا کۆلبەرەکێ کورد ب ناڤێ رەحمەتوڵاھ قادرنەژاد، ب گرانی بریندار بوو.

ژ ئالیەکێ دی، پاسدارێن ئیرانێ ل دەڤەرا ملە تەتەیا مەریوانێ ژی کۆلبەرەکێ کورد ب ناڤێ فوئاد راھپێیکەر، خەلکێ گوندێ بەردەرەش یێ مەریوانێ، گرتن و ب توندی لێ دان و ئیشکەنجە لێ کرن و ب گرانی بریندار کرن.