چەتەیێن گرێدایی پەکەکێ ل قامشلۆ ئێرشی خەلکێ سڤیل کرن

ل رۆژئاڤا، چەتەیێن گرێدایی پەکەکێ ئێریش کرە سەر کەسێن کو دخواست زێدەبوونا بهایێ پێدڤیێن ژیانێ یێن وەکی خوارن و سۆتەمەنیێ پرۆتەستۆ بکەن.

ل سەر بانگا (ئەنەکەسێ) دوھی، دەمژمێر 17:00، ل باژارێ قامشلۆ یێ رۆژئاڤایێ کوردستانێ، د خوەپێشاندانەکێ دا زێدەبوونا بوهایێ خوارن و بانزینێ، ھەر وەھا زێدەبوونا باجێ و گرتنا سەرکردەیێن پارتیان ھاتن پرۆتەستۆ کرن.

چەتەیێن ھەرێمی یێن گرێدایی رێڤەبەریا خوەسەر ئێریشی خوەپێشاندەران کر. د ئەنجاما ئێریشا چەتەیێن سەر ب پەکەکێ ل سەر خوەپێشاندەران دا ھندەک خوەپێشاندەر بریندار بوون.

تەڤگەرا گولـلەبارانکرنێ یا پەکەکێ: جوانێن شۆرەشگێر

ل رۆژئاڤایێ کوردستانێ کۆما ب ناڤێ جوانێن شۆرەشگێر کو راستەراست گرێدایی پەکەکێ یە، ل سەر گەل فاشیزمێ ئەنجام ددەن. ئەڤ کۆما کو گەلەک ئیمتیازێن وێ ھەنە، خەلکی دترسینن، ئێرشی ئاڤاھیێن ئەنەکەسێ دکەن و ترسێ د ناڤ خەلکی دا بەلاڤ دکەن.

جوانێن شۆرەشگێر، رێخستنەکا وەکو Alperen یا ل ترکیێ، ھێزەکا چەکدارە. رێڤەبەریا وێ ب پرانی ژ باکورێ کوردستانێ یە، کو راستەراست کادرۆیێن پەکەکێ نە و ژ ئالیێ جەمیل بایک ڤە ھاتنە دەستنیشانکرن. ئەو وان گەنجێن کورد کو ژ خوە بێکارن و لگەل پرسگرێکێن ئابۆری دا روو ب روو نە ل قامشلۆ کۆم دکەن و وان وەکی ئاموورێن پرۆپاگاندایێ بکار تینن.

د خوەپێشاندانێن کو ئەنەکەسێ ل قامشلۆ رێکخستی دا، درووشمێن “نە ژ بۆ گرتنان”، ” نە ژ بۆ زێدەبوونا بوهایێ سۆتەمەنیێ”، ” نە ژ بۆ وەرگرتنا باجێ ژ ھەموەلاتیان”، “ژ بۆ گرتیان ئازادی”، ” نە ژ بۆ زێدەکرنا بوھایێ نانی” دەرکەتن. ژ بۆ پێشیلێگرتنا ڤێ مەشا ئاسایی، پەکەکێ گەلەک یاری ئۆرگانیزە کرن. دەستپێکێ، پەکەکێ لایەنگرێن خوە شاندنە جیھێ خوەپێشاندانێ و ب بلندکرنا دەنگێ موزیکێ د ترۆمبێلێن خوە دا خواست رێگریێ ل خوەپێشاندانێ بکەن. پشترا، کۆما چەتەیا ب ناڤێ جوانێن شۆرەشگێر ئێریشی خوەپێشاندەران کر.

ئەنەکەسە: داخوازێن مە داخوازێن گەلی نە

ئەندامێ دەستەیا سەرۆکاتیا ئەنەکەسێ محەمەد ئیسماعیل د خوەپێشاندانان دا ئاخافتنەک کر و دیار کر کو خوەپێشاندان نە تەنێ رەوشەکە کو ئەنەکەسە داخواز دکرت و گۆت، “ئەڤ چالاکیە نە تەنێ داخوازا پارتیەک و مالباتەکێ یە، داخوازا ھەر کەسەکێ یە کو ل ھەرێمێ دژین. “

ئیسماعیل خیتابی گەل کر و گۆت، “بەشداریا هەوە یا د چالاکیێ دا ژ بۆ مەبەستێن پشتگریێ یە” و دیار کر کو ئەو دێ ل سەر زێدەکرنا باجێ و گرتنێن سیاسی خەباتێن خوە بەردەوام کرن.

ھات راگھاندن کو ل باژێرێن دی یێن رۆژئاڤا ژی چالاکی ھاتنە ئەنجامدایین.