سەرۆکێ پارلامەنتۆیا ترکیەیێ نومان کورتولموش، د چارچۆڤەیا خەباتێن ژ بۆ ئاڤاکرنا “لژنەیا چاڤدێری و شۆپاندنێ” دە، سەردانا فراکسیۆنا پارتیا وەکھەڤی و دەمۆکراسیێ یا گەلان (دەم پارتی) کر.
کورتولموش د چارچۆڤەیا پێڤاژۆیا چارەسەریێ دە، ژ بۆ ئاڤاکرنا ڤێ لژنەیا کو دهێت تەخمینکرن ل پارلامەنتۆیێ بهێتە دامەزراندن، گەرا خوەیا ھەڤدیتنێن لگەل پارتیێن سیاسی ددۆمینە. د چارچۆڤەیا ڤێ سەردانێ دە، ژ ئالیێ دەم پارتیێ ڤە ھەڤسەرۆکێن گشتی تولای ھاتیمۆگوولاری و تونجەر باکرھان، سەرۆکا فراکسیۆنا دەم پارتیێ گولستان کلچ کۆچییگیت و پارلامەنتەر جەنگیز چیچەک پێشوازیا شاندا مەجلسێ کرن.
ل گۆری زانیاریان، ھەڤدیتنا د ناڤبەرا شاندا پارلامەنتۆیێ و سەرکردەیێن دەم پارتیێ دە نێزیکی دەمژمێرەکێ دەوام کر. د جڤینێ دە دەربارێ ھوورگلی، رۆل و خەباتێن پێشەرۆژێ یێن لژنەیا چاڤدێری و شۆپاندنێ دە نێرین و پێشنیار ھاتن پارڤەکرن.
تێ چاڤەرێکرن کو نومان کورتولموش د چارچۆڤەیا ھەمان ئارمانجێ دە سەردانێن خوەیێن ژ بۆ فراکسیۆن و پارتیێن دنێن ل پارلامەنتۆیێ بدۆمینە.
