بۆمبەیا کو چەکدارێن پەکەکێ چاندی، پێشمەرگەیان پووچ کر

بۆمبەیەکا چاندی یا پەکەکێ ل سەر رێیا گشتی یا نێزیکی گوندێ ئاستبلانێ ژ لایێ خەلکێ ناڤچەیی ڤە هات کەشفکرن و پشترا هێزێن ئەولەهیا هەرێما کوردستانێ بۆمبە پووچکرن.

دوهـی رۆژا یەکشەمبی 28/11/2021ێ، بۆمبەیەکا چاندی یا پەکەکێ نێزیکی گوندێ ئاستبلانێ ژ لایێ خەلکێ ناڤچەیێ ڤە هات دیتن، پشتی کو گوندیان هێزێن ئەولەهیێ ژ هەبوونا ڤێ بۆمبەیێ هایدار کرین، بۆمبە هات پووچکرن.

ئەڤ بۆمبەیا 16 کیلۆیی کو پەکەکێ ل ور چاندییە ل سەر جادەیا گشتی یا کو ژ شەرانش بەر ب دەشتە تەخێ دچیت هاتبوو چاندن.

چاڤکانیێن پێگەها دارکا مازی راگهاند، هەژمارک دی یا بۆمبەیێن چاندی د ناڤا رەز و باغێن شێنیێن گوندێ ئاستبلانێ هاتنە دیتن و ئەڤ یەک ژی بوویە سەدەم کو گوندی ژ ترسا پاراستنا رحا خوە نەکارن بچن ناڤا رەز و بیستانێن خوە دا و وان سەخبێر بکەن.

چاڤکانیێن مە هەر وەها ئەشکەرا کر هەژمارەک ژ چەکدارێن پەکەکێ ل ڤێ هەرێمێ هەنە و ب سەدەما وان گوندیێن هەرێمێ راستی زەحمەتیێ تێن، هەر وەها خوەیا کر کو چەکدارێن پەکەکێ بوونە سەدەم کو گوندێن وان ژ هێلا لەشکەرێ ترکیێ ڤە بێن بۆمبەبارانکرن.