یێن ئه‌ڤ كار ئه‌نجام دای، ب زیندانا هه‌تاهه‌تایێ هاتن مه‌حكووم كرن

دەزگەها دادوەری یا ئيراقێ 4 ئەندامێن گرووپێن چەکدار ب تۆمەتا ئارمانجکرنا فرۆکەخانەیا ناڤدەولەتی یا بەغدایێ ب زیندانا هەتاهەتایی مەحکووم کرن.

ئیرۆ یەکشەمبێ 7/8/2022ێ دادگەها تاوانان يا کەرخ يا ئيراقێ، ب تۆمەتا ئارمانجگرتنا فرۆکەخانەیا ناڤدەولەتی یا بەغدایێ ب مووشەکان، جەزایێ هەتا هەتایی ل سەر 4 کەسان دەرخست.

دادگەهێ د داخویانیا چاپەمەنیێ دە گۆت، “سووجدار د 28ێ چلەیا 2022ێ دە بەشداری سووچا هەدەفگرتنا بالافرگەها بەغدایێ ب مووشەکان بوونە”.

وێ گۆت ژی، “بریارا ل دژی سووچداران ل گۆری بەندێن 4/1ێ یێن قانوونا دژی تەرۆرێ یا ژمارە 13 یا سالا 2005ێ تێ”.

ژ ئالیێ خوە ڤە چاڤکانیەک ئیراقی، بەحسا بەشەک ژ ناسنامەیا وان تۆهمەتباران کر و گۆت کو «ئەو چەکدار شیعه‌نه‌».