p.language-links a { text-decoration: none; color: black; background-color: #e0e0e0; /* default gray */ padding: 4px 8px; border-radius: 0px; font-size: 13px; transition: background-color 0.3s; } p.language-links a:hover { background-color: #ca0000; color: white; } p.language-links a.active { background-color: #ca0000; /* active URL */ color: white; }
بارزانی سه‌رهاتییا شه‌هیدكرنا 6 پێشمه‌رگه‌هان ژ هێلا په‌كه‌كێ ڤه ڤه‌دگێرە
سه‌رۆك مه‌سعوود بارزانی د پرتووكا خوه ده یا ب ناڤێ «بارزانی و بزاڤا رزگاریخوازا كورد» ده كو ل خزیرانا ئیسال 2022ێ به‌لاڤ كریه، باسی سه‌رهاتییا شه‌هیدكرنا 6 پێشمه‌رگه‌هێن كوردستانێ ژ هێلا رێخستنا په‌كه‌كێ ڤه دكه.
به‌رگێ پێنجەمین یێ پرتووكا سه‌رۆك بارزانی یا ب ناڤێ «بارزانی و بزاڤا رزگاریخوازا كورد» هاتیه وه‌شاندن، د به‌شا یه‌كه‌مین یا پرتووكێ ده بارزانی باس ل ره‌وشا كوردستانێ پاش ئه‌نفالێ و هه‌ڤكێشه‌یێن جیهانی دكه، د رووپه‌لا 27ان ده ژی، سه‌رهاتییا شه‌هیدكرنا 6 پێشمه‌رگه‌هێن بزاڤا رزگاریخوازا كورد ژ هێلا رێخستنێن په‌كه‌كێ ڤه، ڤه‌دگێره.
سه‌رۆك بارزانی د پرتووكا خوه دا ووسا چیرۆكا شه‌هیدكرنا 6 پێشمه‌رگه‌هان ڤه‌دبێژه:
پاش ب داوی بوونا شه‌رێ ئیراق و ئیرانێ هاتنوچووینا پێشمه‌رگه‌هان و هێزێن مه ژ بۆی ناڤا ولات ده هێسان نه‌بوو، ته‌ڤی كو ئیرانییان رێ نه دگرت، لێبه‌لێ بێگومان ره‌وش وه‌كه به‌رێ نه‌بوو و پێویست بوو مه ژی ره‌وشا ئیرانییان و ب داوی بوونا شه‌ر ل به‌ر چاڤ گرتبا.
د ڤێ ناڤبه‌رێ ده هند به‌رنامه و پلانێن هه‌ڤبه‌ش ب ئالیێن د ناڤا ئه‌نیا كوردستانی ده هه‌بوون، ئالیان ژی ل گۆری ئیماكن و كارینێن خوه ئاماده‌کاریێن خوه كربوون. من پڕ هه‌ول دا ژ بۆی ڤێ یه‌كێ كو ب زووترین ده‌م بكارین هێزه‌كی بشینین سینۆرێ لقا یێك ژ به‌ر كو په‌كه‌كه ب هایداریا ره‌ژیما ئیراقێ رۆژ ل په‌ی رۆژێ جیهێ لنگێ خوه قایمتر دكر و ل دژی په‌ده‌كێ ته‌ڤ د گه‌ریا، پێش ڤێ ده‌مێ مه‌فره‌زه‌یه‌كه 6 كه‌سی یا پێشمه‌رگه‌هان كو ل ناڤچه‌یێ د ئه‌رك ده بوون ل گوندێ «شیفره‌زان» ل سه‌ر سینۆر ژ هێلا په‌كه‌كێ ڤه هاتن شه‌هید كرن، هند ئاگاهی ژی هاتن پارڤه‌كرن كو ئه‌ڤ پێشمه‌رگه ب ساخی راده‌ستی ره‌ژیما ئیراقێ هاتنه كرن.
ئه‌ڤ شه‌ش پێشمه‌رگه ئه‌ڤ بوون:
-
محه‌مه‌د حه‌مدی وه‌رمێلی.
-
سه‌عدوللا ئاڤده‌ل.
-
نزار محه‌مه‌د سلێمان.
-
ئدریس جه‌رجیس (ئه‌حمه‌د كادر).
-
نزمی وه‌رمێلی.
-
خالد ئاده‌م وه‌رمێلی.
