حەماسێ سپاسیا ئەردۆگان کر!

پشتی شەرێ ناڤبەرا ئیسرائیل و حەماسێ دە، سەرۆککۆمارێ ترکیێ ئەردۆگان د جڤینا پارتیا خوە دە، دابوو خویاکرن کو، حەماس نە رێخستنەکا تەرۆرستە، حەماس تەڤگەرەکا ئازادخوازە و ژ بۆ ئازادیا خوە تێدکۆشە. وەک تێ زانین گەلەک وەلات د سەری دە ژی ئەمەریکا حەماسێ وەک رێخستنەک تەرۆرست دبینن.

ل سەر ڤێ ھەلوەستا سەرۆککۆمارێ ترکیێ و ھندەک وەلاتێن دن حەماسێ داخویانیەک راگھاند و د ڤێ داخویانیێ دە، سپاسیا ئەردۆگان و ھندەک وەلاتێن دن دکە.

حەماس د داخویانیا خوە دە دبێژە:

ئەم ھەلوەست و داخویانیێن فەرمی یێن کو حەماس، یەکینەیێن ئەل قەسام و بەرخوەدانا فلستینێ وەکە تەرۆریست ب ناڤ ناکن، ب ئەلاقەیەک مەزن دشۆپینن. سەرۆککۆمارێن ترکیێ و جەزاییرێ، سەرۆکوەزیرێ مالیزیایێ و وەزارەتا کارێن دەرڤە یا عۆمانێ، ل گەل تەڤگەرا حەماسێ نە. حەماس داخویانیا خوە دە دبێژە: “ئەم سپاسیا خوە ژ بۆ ڤان داخویانیێن کو ب زەلالی دیار دکن کو تەڤگەرا رزگاریا نەتەوەیی یا کو خوە دپارێزە، رادگھینن.”