پارلامەنتەرێ شیعە: دڤێ ده‌ستوور وه‌ره‌ راستڤه‌كرن و هه‌رێما كوردستانێ نه‌مینه‌

پارلامەنتەرێ بەرێیێ شیعە یێ پارلامەنتۆیا ئیراقێ کازم سەیادی د هەڤپەیڤینەکێ ده‌ ل گەل کانالا تەلەڤزیۆنا ئه‌ل عه‌هد دە بەحسا هەڤکاریێن خوە یێن ل گەل هەولدانێن هنەک ئالیێن هەرێما کوردستانێ یێن ژ بۆ پەرچەبوونا هەرێما کوردستانێ کر.

پارلامەنتەرێ به‌رێ یێ شیعه‌ «كازم سه‌یادی» رۆژا پێنجشه‌مییا رابووری 29 سباتا 2024ێ، ته‌ڤلی به‌رنامه‌یا «ئه‌ل موداوه‌له»‌ ل كه‌نالا ئه‌ل عه‌هد یێ ئیراقی بوو و ووسا به‌حسا پلانێن ده‌ربارێ هه‌رێما كوردستانێ ده‌ كرن:

سه‌یادی ده‌ربارێ هه‌مواركرنا ده‌ستوورێ ئیراقێ گۆت: «ژ بۆ پاراستنا روومه‌تا ئیراقێ، پێویسته‌ كورد سنه‌ شیعه‌ و یێن دی، ئه‌ز نابێژم كه‌مینه‌ یێن دی، پێویسته‌ راستڤه‌كرنا ده‌ستووری ل سه‌ر بنگه‌ها كو 3 پارێزگه‌هـ بۆ هه‌رێمه‌كێ نه‌بن، یان بۆ ئێك پێكهاته‌ و یان بۆ ئێك نه‌ته‌وه‌، ژ بۆ كو شیعه‌، كورد و سونه‌ به‌شداریێ د گوهۆرینا ده‌ستووری ده‌ بكن».

د به‌شه‌كا گۆتنێن خوه‌ ده‌ سەیادی ووسا ئاخڤی: «ئەم ب ئالیکاریا هەڤالبەندێن خوە یێن کورد پلانا هلوەشاندنا حکوومەتا هەرێما کوردستانێ ددن.» و گۆت، «ئەم ت جوداهی د ناڤبەرا سلێمانی و سه‌ماوا، هەولێر و بەغدایێ دە چێ ناکن. هەروه‌ها گۆت: «دڤێ دەستهلاتا مە یا تەمام ل سەر پارێزگەهێن هەرێما کوردستانێ هەبە».

سەیادی د داخویانیا خوە یا ژ بۆ کانالێ دە پێشتر چوو و دیار کر کو پێنگاڤا بێ گوهەرتنا دەستوورا هەردەمی یا ئیراقێ یە، ب تایبەتی ژی مادەیا 140ا دەستوورێ و مژارا فەدەرالیێ و دیار کر کو دڤێ رەوشا هەرێما کوردستانێ ژ نوو ڤە بێ پێداچوون.