ل ئدلبێ ئۆپەراسیۆنەکە ئاسمانی: هەڤپەیمانیێ سەرکردەیەکی داعشێ کر ئارمانج

هێزێن هەڤپەیمانیا ناڤدەولەتی ل دەڤەرا ئەتمێ یا سەر ب گوندەوارێ ئدلبێ ڤە، ئۆپەراسیۆنەکە ئاسمانی پێک ئانین. ل گۆری زانیاریێن دەستپێکێ، د ئۆپەراسیۆنێ دە سەرکردەیەکی پایەبلندێ داعشێ هاتیە ئارمانجکرن.

ل گۆری مەدیا ناڤخوەیی یا سوەیدایێ، ئۆپەراسیۆن ب هەژمارەک هەلیکۆپتەران و ب پشتگریا درۆنان هاتیە لدارخستن و د دەما ئۆپەراسیۆنێ دە دەنگێ تەقین و گولەبارانێ هاتیە بهیستن.

چاڤکانیێن هەرێمی ژی دیار کرن، ئارمانجا ئۆپەراسیۆنێ سەرکردەیەکی داعشێیێ ب ناڤێ ئەبوو حەفس ئەل-قورەشی بوو، کو ب ئەسلێ خوە ئیراقییە.

تەڤی ڤان راپۆران، هەتا نها هەڤپەیمانیا ناڤدەولەتی دەربارێ ئۆپەراسیۆنێ دە ت داخویانیەکە فەرمی بەلاڤ نەکریە.

ئەڤ ئۆپەراسیۆن د دەمەکێ دە تێ کو د مەها تیرمەها بۆری دە ژی، فەرمانداریا ناڤەندی یا ئامەریکایێ ئۆپەراسیۆنەکە ب هەمان رەنگی ل باژارێ بابێ یێ حەلەبێ پێک ئانیبوو و د ئەنجامێ دە سەرکردەیەکی داعشێ تەڤی دو کورێن خوە هاتبوو کوشتن.