وهزارهتا بهرگریێ یا سووریهیێ ئاگربهست ل ههموو ئهنیێن شهر راگهاند
وەزارەتا بهرگریێ یا سووریەیێ، د چارچۆڤەیا رێکەفتنا نوو یا د ناڤبەرا شام و ههسهدێ دە، ب فەرمی راوەستاندنا شەر و ئاگربەستەکە گشتی ل هەموو ئەنیان راگهاند.
وەزارەتا بهرگریێ یا سووریەیێ، ئیرۆ 18ێ چلەیا 2026ان د داخویانیەکە فەرمی دە هوورگلیێن رێکارێن لەشکەری یێن پشتی رێکەفتنا سەرۆکاتیا کۆمارێ و هێزێن سووریا دەمۆکراتیک (ههسهدێ) بەلاڤ کرن.
د داخویانیا وەزارەتێ دە هات دیارکرن، ل سەر بنگەها رێکەفتنا د ناڤبەرا سەرۆکێ سووریەیێ ئەحمەد شهرع و فەرماندارێ گشتییێ ههسهدێ مهزلووم عهبدی دە، ئاگربەست ل هەموو ئەنیان و راوەستاندنا هەموو ئۆپەراسیۆنێن لەشکەری ل سەرانسەری وەلات کەتیە وارێ جیبجیکرنێ.
وەزارەتا بهرگریێ دەستنیشان کر، ئارمانجا ڤێ گاڤا ستراتەژیک ئامادەکرنا زەمینێ یە ژ بۆ، ڤەکرنا رێیێن ئەولە دا کو شێنیێن هەرێمێن شەر ڤەگەرن سەر مال و ملکێن خوە. هەروها ئامادەکرنا شەرت و مەرجان ژ بۆ ڤەگەرا سازیێن دەولەتێ، دا کو دەست ب خزمەتگوزاریێن گشتی بکن.
د بەشەکە دن یا داخویانیێ دە، وەزارەتا بهرگریێ بانگ ل هەموو یەکینەیێن ئارتێشێ کر و گۆت: “ئەم بانگ ل لەشکەرێن ئارتێشا سووریەیێ دکن کو د ئاستەکە بلند یا باوەری و بەرپرسیاریێ دە بن. ئەرکێ وەیێ سەرەکە پاراستنا جان و مالێ وەلاتیان، دابینکرنا ئارامیێ و پاراستنا ئەولەهیا وەلاتە.”
