حکوومەتا شامێ ب «سۆرهتا ئەنفالێ» ل دژی کوردان فەتح راگهاند
وەزارەتا ئەوقافێ یا سووریەیێ ئێرشا ل سەر کوردان وەکی “فەتح” ب ناڤ دکە و د راگهاندنهكێ ده كو ب سۆرهتا ئهنفالێ دهست پێ كری یه، بانگ ل ههموو مزگهفتا دكه تهكبیران بۆ ڤێ فهتحێ بكن.
وەزارەتا ئەوقافێ یا سووریەیێ داخویانیەکە فەرمی ژ بۆ مەلا و خەتیبێن هەموو مزگەفتان شاند.
وەزارەتێ ژ وان خوەست کو د نڤێژان دە ژ بۆ سەرکەفتنا ئارتێشێ دوعایان بکن و ب دەنگێ بلند تەکبیران بینن. ئەڤ وەکی نیشانەیا کێفخوەشیێ یا ژ بۆ وان “سەرکەفتنێن” کو ئارتێشا عەرەبان یا سووریەیێ ل رۆژهلاتێ وەلات ب دەست خستنە تێ نیشاندان.
ل گۆری وێ بەلگەیا کو ئیمزەیا وەزێرێ ئەوقافێ یێ سووریەیێ د. محەمەد ئەبوو خەیر شوکری ل سەرە و رۆژا 18ێ کانوونا پاشین یا 2026ێ دەرکەتیە، ژ مزگەفتان هاتیە خوەستن کو ڤان گاڤان باڤێژن:
خوەندنا “قنووت”ێ د هەر پێنج نڤێژێن فەرز دە ل سەرانسەرێ وەلات، ژ بۆ سەرکەفتن و پشتگریکرنا لەشکەرێن ئارتێشا عەرەبی یا سووریەیێ.
تەشویقکرنا وەلاتیان و گەلێ سووریەیێ ژ بۆ دوعایان دا کو رەوش ب تەمامی ئارام ببە.
لێدانا تەکبیران ل ناڤ مزگەفتان وەکی نیشانەیا پیرۆزکرنا وان “فەتح و سەرکەفتنێن” کو ئارتێشا عەرەبان ل ناڤچەیێن رۆژهلات تۆمار کرنە.
ئەڤ فەرمانا وەزارەتا ئەوقافێ د دەمەکێ دەیە کو د 24 ساعەتێن بۆری دە ئارتێشا عەرەبان یا سووریەیێ بپێشکەتنەکە مەزن ل ناڤچەیێن رۆژهلاتێ فەراتێ، تەبقا، رەقا و دێرازۆرێ کر.
ئەڤ گوهەرین پشتی ڤەکشینا هێزێن سووریەیا دەمۆکراتیک (ههسهدێ) پێک هات کو د چارچۆڤەیا رێکەفتنەکە 14 خالی یا رۆژا یەکشەمێ دە بوو.
