باخچهلی: ههسهده ل دژی ئۆجالان دهركهت لهوما ئهڤ یێك چێبوو
سهرۆكێ مهههپێ ئیرۆ راگهاند، ههسهده ل دژی بانگا 27ێ سباتێ یا ئۆجالان تهڤ د گهریا و گۆت: ئۆجالان ب خوه ئهڤ ههولدانێن ههسهدێ وهكی ههولدان بۆ تێكبرنا پێڤاژۆیا ئاشتیێ داینه دیار كرن.
سەرۆکێ گشتی یێ مهههپێ دەولەت باخچهلی د جڤینا کۆما پارتیا خوە یا ل پارلامەنتۆیا ترکیەیێ دە ئاخڤی و بپێشکەتنێن داوی یێن ل سووریەیێ و پێڤاژۆیا ئاشتیێ یا ل ترکیەیێ نرخاند.
دەڤلەت باخچهلی د ئاخافتنا خوە دە بال کشاند سەر ئۆپەراسیۆنێن ل سووریەیێ و گۆت: ههسهده و یهپهگه ژ قادێن کو تێ دە ب جهـ بووبوون هاتن دەرخستن و د داویێ دە ژ رۆژئاڤایێ فەراتێ هاتن ئاڤێتن.
ههروهها گۆت: ههسهده کو ل هەمبەری 10ێ ئادارێ ل بەر خوە ددا و ماسە و دان و ستاندنان تێك برن، ب ئۆپهراسیۆنێن پاقژکرنێ ژ قادێن کو لێ بوون هات دەرخستن.
سەرۆکێ مهههپێ دیار کر کو هێزێن سووریەیا دەمۆکراتیک (هسد) ل دژی بانگا 27ێ سباتێ تەڤگەریایە و ئانی زمان:
“ئەشکەرەیە کو ههسهده ل دژی بانگا 27ێ سباتێ تەڤدگەرە. یێ کو پرۆڤۆکاسیۆنا ههسهدێ یا ل سووریەیێ وەکی هەولدانا تێکبرنا پێڤاژۆیا ئاشتیێ نیشان ددە، ب خوە رێبەرێ دامەزرینەر یێ پهكهكێ یە.”
