حکوومەتا سووریەیێ: جێبەجێکرنا لهەڤکرنا مە و ھەسەدێ ل رۆژا دوشەمبێ تێ دەستپێکرن

وەزیرێ راگھاندنێ یێ سووریەیێ راگھاند کو، جێبەجێکرنا لھەڤکرنا د ناڤبەرا حکوومەتا سووریەیێ و ھێزێن سووریەیا دەمۆکراتیک (ھەسەدێ) دە دێ ل رۆژا دوشەمبیا بهێت هێت دەستپێکرن.

وەزیرێ راگھاندنێ یێ سووریەیێ ھەمزە مستەفا دوھی رۆژا ئەینی، 30/1/2026ێ راگھاند: لھەڤکرنا ئیرۆ یا د ناڤبەرا ھێزێن سووریەیا دەمۆکراتیک (ھەسەدێ) و حکوومەتا سووریەیێ دە تەمامکرنا لھەڤکرنا 18ێ چلەیێ یە. ھەروەسا گۆت: رێکارێن کریارکی دێ ژ دوشەمبێ ڤە بێن بجیھانین.

وەزیرێ راگھاندنێ یێ سووریەیێ ئاماژە ژی دا کو، رادەستکرنا زەڤیێن پەترۆلێ یێن رمێلان سووەیدی و بالافرخانەیا قامشلۆیێ دێ د دەما 10 رۆژان دە بێ بجھانین.

ھەمزە مستەفا ئەشکەرە ژی کر: برێڤەبرێ ئەولەھیێ یێ نوو یێ حەسەکەیێ دێ ل رۆژا دوشەمبێ دەست ب ئەرکێن خوە بکە. تەکەز ژی کر کو، ئەندامێن ھێزێن سووریەیا دەمۆکراتیک (ھەسەدێ) دێ تەڤلی لیوایێن ھێزێن لەشکەری یێن حکوومەتا سووریەیێ بێن کرن.

ئەڤ گۆتنێن وەزیرێ راگھاندنێیێ سووریەیێ پشتی وێ یەکێ ھاتن کو، ھێزێن سووریەیا دەمۆکراتیک (ھەسەدێ) دوھی رۆژا ئەینی، 30/1/2026ێ راگھاند کو، لھەڤکرنا ئاگربەستێ یا د ناڤبەرا حکوومەتا سووریەیێ و ھێزێن سووریەیا دەمۆکراتیک (ھەسەدێ) دە ب لھەڤکرنەکا تەڤ ئالی ھات کرن، تەڤی ھەڤفێمکرینا ل سەر یەکبوونا قۆناغ ب قۆناغ یا ھێزێن لەشکەری و ئیداری د ناڤبەرا ھەر دو ئالیان دە.