حکوومەتا ترکیەیێ دجڤە و چەند مژاران گۆتووبێژ دکە

کابینەیا حکوومەتا ترکیەیێ پشتی ناڤبەرەکا سێ ھەفتەیی ئیرۆ دجڤە. د جڤینێ دە دو مژارێن ھەری گرنگ؛ پێنگاڤێن نوویێن پێڤاژۆیا ئاشتیێ و ئەگەرا ئێریشا ئامەریکایێ یا ل سەر ئیرانێ تێن نرخاندن.

کابینەیا حکوومەتا ترکیەیێ ئیرۆ 23یێ شوباتێ ب سەرۆکاتیا سەرۆککۆمارێ ترکیەیێ رەجەب تەییب ئەردۆگان دجڤە، یەک ژ خالێن رۆژەڤێ نرخاندنا قۆناغا داوی یا “پێڤاژۆیا ئاشتیێ”یە. د ڤێ چارچۆڤەیێ دە، دێ ناڤەرۆکا راپۆرا “کۆمیسیۆنا ھەڤگرتنا نەتەوەیی، براتی و دەمۆکراسیێ”یا کو بەریا چەند رۆژان ھاتبوو پەسەندکرن، وەرە پێشکێشکرن.

تێ پایین کو د جڤینێ دە پێنگاڤێن یاسایی یێن کو ژ بۆ قۆناغا بهێت یا پێڤاژۆیێ پێویستن، ب ھوورگلی بێن نیقاشکرن.

مژارەکا دن یا ل سەر میزەیا کابینەیێ یە، گرژیێن ناڤبەرا ئامەریکا و ئیرانێ یە. حکوومەتا ترکیەیێ ئەگەرا ئێریشەکا ئامەریکایێ یا ل سەر ئیرانێ و ئەنجامێن وێ یێن ل سەر ئەولەھیا ھەرێمێ و ترکیەیێ گۆتووبێژ دکە.