وەزیرێ داد یێ ترکیێ: د راپۆرێ دە مافێ هێڤیێ بۆ ئۆجالان و لێبۆرینا گشتی نینن

وەزیرێ دادێیێ ترکیەیێ ئاکن گورلەک، ل سەر راپۆرا کۆمیسیۆنا هەڤگرتنا نشتمانی، براتی و دەمۆکراسیێ راگهاند کو د راپۆرێ دە گۆتنا “مافێ هێڤیێ” نینە.

گورلەک گۆت، “عەفوویا گشتی یان ژی رێکخستنەکە تایبەت يا ژ بۆ کەسەکی نابە لێ دبە کو د یاسایا ئینفازێ و تێکۆشینا ل دژی تەرۆرێ دە گوهەرین بێن کرن.”

گورلەک دەربارێ پێڤاژۆیا هەیی و راپۆرا کۆمیسیۆنا هەڤگرتنا نشتمانی، براتی و دەمۆکراسیێ یا کو پێشکێشی پارلامەنتۆیێ هاتبوو کرن دە داخویانی دان.

وەزیرێ دادێیێ ترکیەیێ ل سەر “مافێ هێڤیێ” کو د چارچۆڤەیا پێڤاژۆیێ دە ژ بۆ عه‌بدوللا ئۆجالان تێ خوەستن گۆت: “د راپۆرێ دە گۆتنا مافێ هێڤیێ نینە. عەفوویا گشتی یان ژی رێکخستنەکە تایبەت یا ژ بۆ کەسەکی نابە لێ دبە کو د یاسایا ئینفازێ و تێکۆشینا ل دژی تەرۆرێ دە گوهەرین بێن کرن.”

وەزیرێ دادێیێ گۆت: خەتا سەرەکە ل ڤر پەیتاندنا چەکدانینێ و بداویئانینا چالاکیێن رێخستنێیە. پشتی ڤێ یەکێ پارلامەنتۆ دێ گاڤێن یاسایی باڤێژە.”