هەژمارەکا تەقینان پایتەختێن ئیمارات، قەتەر و بەحرەینێ ھەژاندن

 ئیرانێ وەک بەرسڤدایینا ئێریشێن ئامەریکا و ئیسرایلێ، پێلەکا ئێریشان ل ھەرێما کەنداڤێ دا دەستپێکرن. ل گۆری زانیاریان، ل پایتەختێن ئیمارات، قەتەر و بەحرەینێ دەنگێ تەقینێن بھێز ھاتنە بھیستن.

ل گۆری ئاژانسا فرانس  پرێس (AFP) کو دسپێرە زانیاریێن نشتەجھێن ھەرێمێ، ل مەنامێیا پایتەختا بەحرەینێ ھەری کێم دو تەقینێن بھێز ھاتنە بھیستن. د ھەمان دەمێ دە، رۆژنامەڤانێن ل دەوحە راگھاندن، پێلەکا نوویا تەقینان ل سەرانسەرێ باژێر ھاتیە بھیستن و دەنگێ تەقینان ترس خستیە ناڤا گەل.

ل پایتەختا ئیماراتێ، ئەبوو زەبی ژی دەنگێ تەقینان ھات بھیستن. ژێدەران ژ بۆ ئاژانسا فرانس پرێس راگھاند، دوومانەکا رەش ژ بنگەھێ ئاسمانی یێ ئال دحافرێ ل ئەبو زەبی بلند دبە. ھات دیارکرن کو ئەڤ بنگەھا لەشکەری یەک ژ ناڤەندێن گرینگێن ھەرێمێیە.

ھەتا نھا دەربارێ زیانێن جانی و مادی دە داخویانیەکا فەرمی ژ ئالیێ رایەدارێن ڤان وەلاتان ڤە نەھاتیە بەلاڤکرن، لێ رەوشا ئاوارتە ل ھەرێمێ بەردەوام دکە.