ئیرانێ کوشتنا عەلی خامەنیی پشتراست کر
چاپەمەنیا ئیرانێ ئیرۆ بەربسبەھێ ڤە کوشتنا رێبەرێ بلندێ ئۆلی یێ ئیرانێ د ئەنجاما ئێریشێن ئەسمانی یێن ئامەریکا و ئیسرایلێ دە پشتراست کر.
ئاژانسا مێھر یا ئیرانێ راگھاند کو پشتی لێکۆلین و دووڤدەچوونان نووچەیا کوشتنا رێبەرێ ئۆلی عەلی خامەنەیی و کەچ، زاڤا، بووک و نەڤیەکی وی ھاتیە پشتراستکرن.
ئەڤ پێشھات د دەمەکێ دە نە کو ل ھەرێمێ شەرەکی دژوار ھەیە و ھەروەھا ئامەریکا و ئیسرایلێ دناڤا ڤان چەند دەمژمێران دە ئێریشی 24 پارێزگەھێن ئیرانێ کرنە.
ھەروەھا ئاژانسا نووچەیان یا تەسنیم یا فەرمی یا ئیرانێ ژی راگەھاد کو خامەنەیی ل مالا خوە ھاتە ئارمانجکرن و کوشتن.
ھەروەھا دیار کر کو د دەما کوشتنێ دە ئەو ل سەر ئەرکێ خوە بوو.
ل گۆری ئامارێن دەستپێکێ یێن کو ژ ئالیێ ھەیڤا سۆرا ئیرانێ ڤە ھاتنە راگەھاندن، ھەتا نھا زێدەتری 200 کەسان مرنە و ب سەدان کەس ژی بریندار بوونە.
ھەروەھا سەرۆکێ ئامەریکایێ ژی دەردۆرا دەمژمێرێن دەرەنگ یێن شەڤێ راگەھاند و پشتراست کر کو عەلی خامەنیی د ئێریشێن وان یێن ئەسمانی دە ھاتیە کوشتن.
