ئیراقچی ژ فیدان رە: ئەم رێزێ ل یەکپارچەییا ئاخا ترکیەیێ دگرن
وەزیرێ دەرڤەیێ ئیرانێ عەباس ئیراقچی، ئیرۆ سێشەمێ 31ێ ئادارا 2026ێ، ب رێیا تەلەفۆنێ ب ھەڤتایێ خوەیێ ترکیەیێ ھاکان فیدان رە ئاخڤی. ئیراقچی د پەیوەندیێ دە پەیامێن “جیرانتیا باش” دان، لێ د ھەمان دەمێ دە ل دژی ئامەریکایێ ھشیاریێن توند نیشان دان.
ئیراقچی تەکەز کر کو وەلاتێ وی پابەندی پاراستنا یەکپارچەییا ئاخا ترکیەیێیە و نووچەیێن دەربارێ ئاڤێتنا مووشەکێن ئیرانێ بۆ ناڤ ئاخا ترکیەیێ رەد کرن. ئەڤ داخویانیا ئیراقچی د دەمەکێ دە ھات کو ناتۆیێ راگھاند کو وان مووشەکەکە بالیستیکا ئیرانێ کو بەر ب ئاخا ترکیەیێ ڤە دچوو، پووچ کریە. ل گۆری ناتۆیێ، ئەڤ مووشەکا چارەمە کو ژ دەستپێکا شەرێ ھەرێمی ڤە تێ ئاستەنگکرن.
ئراقچی گۆت کو ئیران پابەندی بنگەھێن جیرانتیا باشە و رێزێ ل سینۆرێن ترکیەیێ دگرە. هەر وەها گەفێن واشنگتۆنێ یێن ل سەر ژێرخانەیا ئەنەرژیێ یا ئیرانێ شەرمەزار کرن و ئەو وەکی بنپێکرنا قانوونێن ناڤنەتەوەیی ب ناڤ کرن.
تەڤی رەدکرنا تەھرانێ، ناتۆ تەکەز دکە کو مووشەکێن ئیرانێ سینۆرێن ئەندامەکی وێ (ترکیێ) دکن ئارمانج و پەرگالا پاراستنێیا ھەڤپەیمانیێ د ئامادەباشیێ دەیە.
ئەڤ ترافیکا دیپلۆماتیک نیشان ددە کو راگەشیا لەشکەری یا ل قادێ، تەڤی پەیامێن نەرمێن دیپلۆماتیک، د ئاستەکە ھەری بلند دە بەردەوام دکە.
