سێنتكۆم: مە بازرگانیا دەریایی یا ئیرانێ ب تەمامی راوەستاند
فەرماندارێ فەرمانداریا ناڤەندی یا هێزێن ئامەریکایێ (سێنتكۆم) براد كۆپهر راگهاند کو هێزێن ئامەریکایێ دۆرپێچا دەریایی یا ل سەر بەندەرێن ئیرانێ ب تام خستیە وارێ بجهکرنێ.
براد كۆپهر هەروها دیار کر کو ئامەریکایێ سەردەستیا خوە یا دەریایی یا ل هەرێمێ ئیسپات کریە.
ل گۆری گۆتنا ئامیرال براد كۆپهر، هین 36 ساعەت د سەر راگهاندنا دۆرپێچێ رە دەرباس نەبوونە لێ هێزێن ئامەریکایێ ب تەمامی رێ ل بەر هەموو چالاکیێن بازرگانی گرت یێن کو ب رێیا دەریایێ دچن ئیرانێ یان ژی ژ بەندەرێن وی وەلاتی دەردکەڤن.
فەرماندارێ سێنتكۆمێ بال کشاند سەر وێ یەکێ کو نێزیکی ژ سەدی 90ێ ئابۆریا ئیرانێ ل سەر بازرگانیا دەریایی یا ناڤنەتەوەیی ئاڤا بوویە.
دەستنیشان کر کو ئەڤ دۆرپێچ دێ بنەسازیا دارایی و بازرگانی یا ئیرانێ ئیفلینج بکە.
هەر وها كۆپهر دیار کر کو هێزێن ئامەریکایێ دێ سەردەستیا خوە یا دەریایی یا ل رۆژهلاتا ناڤین بپارێزن دا کو ت کەشتی دۆرپێچا ل سەر بەندەرێن ئیرانێ نەشکێنە.
ئارتێشا ئامەریکایێ ئێڤارا دوشەمێ ل سەر بەندەرێن ئیرانێ دەست ب دۆرپێچا دەریایی کربوو.
ل گۆری سەرۆکێ ئامەریکایێ، بریارا دۆرپێچێ ژ بەر وێ یەکێ هاتیە دایین کو ئیرانێ رێ نەددا کەشتی ب سەربەستی د تەنگاڤا هورمزێ رە دەرباس ببن.
