سێنتكۆم: کەشتیێن مەیێن شەر د تهنگئاڤا ھورمزێ رە دەرباس بوون
فەرمانداریا ناڤەندییا ئامەریکایێ (سێنتكۆم) دیار کر کو کەشتیێن وان یێن شەر یێن مووشەکهاڤێژ د تهنگئاڤا ھورمزێ رە دەرباس بوونە.
سێنتكۆمێ دا زانین کو وان کەشتیان نھا د ناڤ ئاڤێن کەنداڤا عەرەبان دە دەست ب ئەرکێن خوە کریە.
ل گۆری داخویانیا سێنتكۆمێ، ئەڤ تەڤگەرا لەشکەری د چارچۆڤەیا “پرۆژەیا ئازادیێ” دەیە.
ئارمانجا وێ ژی ئەوە کو پشتگریێ بدە ھەولێن ڤەگەراندنا چوون و ھاتنا کەشتیێن بازرگانیێ یێن ل ھەرێمێ.
سێنتكۆمێ راگھاند کو وەکی گاڤا یەکەم، دو کەشتیێن بازرگانیێ یێن ب ئالایا ئامەریکایێ ب سەرکەفتی د تهنگئاڤا ھورمزێ رە دەرباس بوونە.
ھەر وھا ئەڤ کەشتی ب سلامەتی بەر ب جھێ خوە ڤە چوونە.
ئەڤ داخویانی د دەمەکێ دەیە کو سەرۆکێ ئامەریکایێ دۆنالد ترامپ شەڤا بۆری داخویانیەک دابوو.
ترامپ راگھاندبوو کو دێ سبەھا دوشەمێ ئۆپەراسیۆنا “پرۆژەیا ئازادیێ” دەست پێ بکە.
ئارمانجا ئۆپەراسیۆنێ رزگارکرن و رێنیشاندانا وان کەشتیێن بازرگانیێ یە کو ل تهنگئاڤا ھورمزێ ئاسێ مانە.
ترامپ ھەر وھا ھشیاری دا کو ھەر دەستوەردانا د ڤێ پێڤاژۆیێ دە دێ ب توندی وەرە بەرسڤاندن.
ل گۆری ئامارێن رێخستنا دەریاڤانیێیا ناڤنەتەوەیی، ژ بەر شەرێ ئیرانێ نھا نێزیکی 2 ھەزار کەشتی ل سینۆرێن ئاڤییێن تهنگئاڤا ھورمزێ ئاسێ مانە.
