حكوومه‌تا سووریەیێ ب فەرمی ناڤێ تیما “عەین ئه‌لعه‌ره‌ب” گوھەرت و کر تیما “کۆبانی”
حكوومه‌تا شامێ ب بریارەکە فەرمی و ب ئیمزەیا وەزیرێ وەرزش و جوانان، ناڤێ تیما وەرزشی یا باژارێ “عەین ئه‌لعه‌ره‌ب” گوھەرت و کر “تیما کۆبانی.”
ل گۆری بریارنامەیێ، ھەموو بریار و زاگۆنێن سالێن بەرێ یێن دەربارێ ناڤێ تیمێ دە ھاتنە بەتالکرن و دڤێ ھەموو ئالی پابەندی ناڤێ نوو ببن.
تێ پایین کو پشتی ڤێ پێنگاڤێ، حكوومه‌تا سووریەیێ د تەڤاھیا سازیێن خوەیێن فەرمی دە ناڤێ “کۆبانی” ب کار بینە.
ئیرۆ 5ێ جۆتمەھا 2026ان، ب بریارەکە فەرمی یا وەزیرێ وەرزش و جوانانێ حكوومه‌تا شامێ محەمەد سامح ئەحمەد، گوھەرتنەکە دیرۆکی د ناڤێ تیما وەرزشی یا ھەرێمێ دە ھاتە کرن. د بەلگەیا فەرمییا وەزارەتێ دە ھاتییە دیارکرن کو ئێدی ناڤێ تیمێ وەکە “تیما کۆبانی” ھاتیە پەژراندن.
د چارچۆڤەیا ڤێ پێنگاڤێ دە، وەزارەتێ راگھاند کو ھەموو بریار و کاغەزێن سالێن بۆری یێن کو تێ دە ناڤێ “عەین ئه‌لعه‌ره‌ب” ژ بۆ تیمێ ھاتبوو بکارئانین، ھاتنە ھلوەشاندن. ئەڤ بریارا نوو ژ رۆژا دەرکەتنا خوە ڤە (ئیرۆ) کەتیە وارێ جیبجیکرنێ و ھەموو ئالیێن پەیوەندیدار ل کۆبانی و سەرانسەری سووریەیێ نەچارن کو پابەندی ڤێ گوھەرتنێ بن.
