د چارچۆڤەیا پێڤاژۆیا ڤەگەرا کۆچبەرێن سەرێ کانیێ، گوندەوارێن وێ و ناڤچەیا تل تەمرێ دە، ئیرۆ 8ێ جۆتمەھێ کاروانا چارەمین يا کۆچبەران بەر ب وارێن وان خوه ڤه ب رێ کەت.
ل گۆری زانیارییان، ئەڤ کاروانا چارەمین ژ 514 مالباتان پێک تێ کو ھەژمارا وان گشتیە 4584 کەسان. ھات راگھاندن کو کاروان ب ئامادەبوونا شاندەکە فەرمی، جیگرێ فەرماندارێ ھێزێن ئەولەکارییا ھوندرین سیامەند عەفرینی و ئەندامێ شاندا سەرۆکاتیێ مستەفا عەبدی بەر ب گوند و باژارێ خوە ڤە ب رێ کەتیە.
عەبدی تەکەز کر کو ئەڤ پێڤاژۆیا ڤەگەرێ دێ بەردەوام بە ھەتا کو تەڤاھیا خەلکێ کۆچبەر ڤەگەرن و ل مال و ملکێن خوە ب جھ ببن.
مستەفا عەبدی ھەر وھا ئاشکەرە کر کو ھەڤدەم ل گەل ڤەگەرا ڤێ کاروانا چارەمین، 50 مالباتێن کو ل سەرێ کانیێ بجھ بووبوون، ژ باژێر دەردکەڤن و ڤەدگەرن سەر مالێن خوە یێن ل تاخا خوێرانێ یا باژارێ حەسەکێ. دیار کر ژی، ھەموو ئەو خانیێن کو ل سەرێ کانیێ تێن ڤالاکرن، دێ راستەراست رادەستی خوەدیێن وان یێن رەسەن بێن کرن.
رۆژا 5ێ ڤێ مەھێ ژی کاروانەک کو ژ 516 مالباتێن کۆچبەر پێک دھات، ژ کامپ و ناڤەندێن دەمکی یێن حەواندنا کۆچبەرانێن ل پارێزگەھا حەسەکێ ڤەگەریابوو گوندەوارێ سەرێ کانیێ.
