په‌كه‌كه‌یا هلوه‌شیایی ئیرۆ ناسنامه‌یا 8 جوانێن دن یێن رۆژهلاتا كوردستانێ ئاشكه‌ره كرن كو 14 سالان به‌رێ مه‌حكوومی مرنێ كربوون و مرنا وان هه‌یا ئیرۆ ڤه‌شارتی هشتبوو.
ئیرۆ رۆژا یه‌كشه‌می 12 مژدارا 2026ێ رێخستنا په‌كه‌كێ ناسنامه‌یا 8 جوانێن دن یێن كوردان ژ باژارێ ئۆرمیێ یێ رۆژهلاتا كوردستانێ ئاشكه‌ره كر، كو ژ سالا 2010ێ ڤه جانێ خوه ژ ده‌ست دا نه و ژ نوو ڤه مرنا وان هات راگهاندن.
ئه‌ڤ گه‌ریلا د ده‌م و سالێن جودا ده د ناڤبه‌را سالێن 2010 هه‌یا 2025ێ ل هه‌رێمێن گاره، زاپێ، خاكوركێ و قه‌ندیلێ و هه‌روه‌ها ل زاگرۆسێ كه‌تنه به‌ر ئێریشێن ده‌وله‌تا ترك و جانێ خوه ژ ده‌ست دا نه.
ناڤێن وان ووسایه:
جه‌واد سالح.
به‌هرام حوسه‌ین.
ناسر شه‌مسه‌ددین.
ئومێد كه‌ریم.
هه‌ژار ئۆسمان.
توهید ناجی.
به‌جی حاته‌م.
میلاد عیسا.
په‌كه‌كێ ناسنامه‌یا ڤان جوانان ئیلان كر و د په‌سنێ وان ده گۆتییه ئه‌و ملیتانێن مه یێن ئاپۆیی بوون، خوه فه‌دایێ ئاپۆ كرن.
ئه‌ڤ گه‌را چاره‌مین یا ناسنامه‌یێن شه‌رڤانێن رۆژهلاتا كوردستانێ یه كو په‌كه‌كه‌یا هلوه‌شیایی ژ هه‌فته‌یا رابووری ڤه ئیفشا دكه كو هنه‌ك ژێ یێن سالا 2007ێ نه.
موراد قارایلان رێڤه‌به‌رێ په‌كه‌كێ ده‌ربارێ ده‌ره‌نگ ئیلانكرنا ناڤێن شه‌هیدان گۆتبوو: ئاگاهی ده‌ره‌نگ گهیشتن مه، شه‌ر گران بوو، هایا مه نه‌بوو كو هه‌ڤالێن مه وه‌ندانه!!.
