تێ چاڤه‌رێ كرن سبه رۆژا یه‌كشه‌می، سه‌رۆكێ هكوومه‌تا هه‌رێما كوردستانێ ل گه‌ل ته‌ڤ فراكسیۆنێن كوردستانی ئێن پارلەمەنا ئيراقێ بجڤه.
ژبۆ گۆتوبێژا ئالۆزی و ئارێشه‌یێن د نێڤبه‌را هكوومه‌تێن هه‌رێما كوردستانێ و ئیراقا فه‌ده‌رال ده، سبه رۆژا یه‌كشه‌می، مه‌سروور بارزانی، سه‌رۆكێ هكوومه‌تا هه‌رێما كوردستانێ و هه‌روه‌ها قوباد تاله‌بانی جێگرێ سه‌رۆكێ هكوومه‌تێ و شاندا هه‌رێمێ ژبۆ به‌غدایێ، وێ ل گه‌ل فراكسیۆنێن كوردستانی ئێن ل پارلەمەنا ئیراقێ بجڤن.
زانیاری خوه‌یا دكن كو د جڤینا چاڤه‌رێ كری ده، بابه‌تێن بودجه، دارایی و هه‌روه‌ها نه‌فت و غازێ وه‌رن گۆتوبێژ كرن، هه‌روه‌ها ئالۆزیێن د نێڤبه‌را هه‌ولێر و به‌غدایێ ده.
پارلەمەنتەرێن ته‌ڤ فراكسیۆنێن كوردستانی ئێن پارله‌مه‌نا ئیراقێ، وێ به‌رهه‌ڤی جڤینا سبه بن كو تێ چاڤه‌رێ كرن ل باره‌گه‌هێ ئه‌نجوومه‌نا وه‌زیران ل هه‌ولێرا پایته‌ختا هه‌رێما كوردستانێ وه‌ره ل دارخستن.
