نێچیرڤان بارزانی: ژبۆ ئاشیتیێ هه‌ر چ پێویست به‌ كێماسیێ ناكن

سه‌رۆكێ هه‌رێما كوردستانێ، ئیرۆ ل هه‌ولێرێ پێشوازیا شاندا پارتا ده‌مۆكراتیك ئا گه‌لان هه‌ده‌پێ ب سه‌رۆكتیا سه‌زایی ته‌مه‌لی كر، ره‌وشا ناڤچه‌یێ ب گشتی و چه‌ند پرسه‌كێن دن گۆتوبێژ كرن.

د هه‌ڤدیتنێ ده‌، نێچیرڤان بارزانی دوپات کر کو نھا دەما ئاشیتیێ یه‌ و پرسگرێكا کوردی ل ترکیێ دڤێ ب ئاشیتیێ وه‌ره‌ چارەسەر کرن، ژ بەر کو شەر تو پرسه‌كێ چارەسەر ناکە و نابێ تو دەرفەتەکە ژ بۆ ئاشیتیێ ل ترکیێ ژ دەست بێ دایین.

نێچیرڤان بارزانی تەکەز ل ھەولێن ژبۆ دەستپێکرن و سەرخستنا پرۆسەیا ئاشیتیێ ل ترکیێ كر و گۆت: ژبۆی وێ ئامانجێ هه‌ر چ پێویست بە، ئه‌و کێماسیێ ناکن.

ژ ئالیێ خوە ڤە شاندا هه‌ده‌پێ ژ بلی پیرۆزباھیا ل نێچیرڤان بارزانی ژ بۆ دەستبکاربوونا وی وه‌كه‌ سەرۆکێ ھەرێما کوردستانێ، ھێڤیا سەرکەتنێ ژ بۆ خوەست و سپاسی ھەولێن دەرباسبوویی و ئێن نھا ئێن نێچیرڤان بارزانی ئا ژ بۆ ئاشیتیێ کر و دوپات کر کو ئاشیتی ل بەرژەوەندیا تەڤاھیا گەلێن ترکیێ ده‌یه‌ و گەلێ کورد خوازیارێ ئاشتی و چارەسەریا ئاشیتیانەیە.

ل ھەڤدیتنێ دە ھەر دو ئالی رەوشا ناڤچەیێ ب گشتی و چەند پرسەکێن دن گۆتوبێژ کرن.

پوستێن ھەمان بەش

گەلۆ هەپەگە کەتیە قۆناغا دویەمینا شەرێ ل دژی پێشمەرگە؟

pkk-kani mase-peshmarga-hpg