مەسعوود بارزانی سه‌رۆكێ پارتا ده‌مۆكرات ئا كوردستانێ، د بيرئانينا شۆرشا ئیلۆنێ ده پەیامەک وه‌شاند و تێده راگهاند، وانە و بوھا ئێن وێ شۆرشا مەزن، پێویسته ژ بۆ مە ھەموویان ب بلندی بمینه و ببن چرا و رێنیشاندەرا پێشه‌رۆژا مە و نفشێن داهاتی، ئه‌ڤ ژی ته‌كستا وێ په‌یامێ یه:
ب ناڤێ خوەدایێ مەزن و دلۆڤان
شۆرشا مەزنا ئیلۆنێ ب رێبەراتی ئا جەنابێ بارزانی ئێ نەمر، شۆرشەکی سیاسی، جڤاکی، چەکداری و سەرانسەری ئا گەلێ کوردستانێ بوو کو بنگەھەکە ب ھێز ژ بۆ خەباتا رزگاریخوازی ئا گەلێ کوردستانێ، ل دژی ستەم و داگیرکاریێ دانی.
د شۆرشا ئیلۆنێ ده پێشمەرگە، کادیر، مامۆستا، خوەندەکار، ژن و ھەموو چین ئێن جڤاکا کوردستانی ژ نەتەوە و ئۆلێن جودا، ل ھەموو ناڤچەیێن کوردستانێ ب پێکڤە و ژ بۆ یەک ئارمانجا پیرۆز ئا نەتەوەئی و نشتمانی خەبات کرن و دیرۆک و سەروەری تۆمار کرن.
ئەو دەستکەفت و ئازادی ئا نھا ھەیە، بەرھەم و بەردەوامی ئا قوربانیدان و ته‌كۆشینا زارۆ و گەدەیێن گەلێ مەیە ل شۆرشا ئیلۆنێ ده.
ھەر ل ڤێ شۆرشێ ده بوو کو ئیرادە و خوەراگری و ئەڤینا نشتمان ل ناڤ رێزێن گەلێ مە ئەوقاس بھێز بوو کو ھەر تم دژمنێ پرچەک د بەرانبەر ده شكه‌ستن خواریه و جارا داوی وێ ئیرادەیا دژمن ئانی سەر مێزا دانوستاندنێ.
شۆرشا مەزن ئا ئیلۆنێ، ھەم ل دژی ستەمکاریێ بوو، ھەم ژی ژبۆ پێگھاندنا مرۆڤێن کوردستانێ بوو، ژ بۆ كو گەلێ کوردستانێ، مافێن خوە بناسێ و بوھا ئا بلند ئا مرۆڤانە و کوردپەروەرانە ل ناڤ خەلک و کادر و پێشمەرگەی ده، درست ببه.
ب ئاوایه‌كی کو ل بەرانبەر دژمن ده ژی، تەنێ ژ بۆ جارەک ژی، شۆرش دەست ژ بۆ کردارەکە نەبر کو ناکۆک بێ ل گەل بھا و یاسائێن جەنگ.
وانە و بھایێن وێ شۆرشا مەزن دڤێ ژ بۆ مە ھەموویان ب بلندی بمینێ و ببن چرا و رێنیشاندەرا پێشه‌رۆژا مە و نفشێن داهاتی.
ل سالڤەگەرا 58 سالی ئا ده‌ستپێكرنا شۆرشا ئیلۆنێ ده، پێزانینێن من ژ بۆ وان ھەموو پێشمەرگەیێن قەھرەمان و وان ته‌كۆشه‌ران ھەیە کو ل شۆرشا ئیلۆنێ ده، رۆلا خوە ھەبوویە و کەد و خەبات کرنە و قوربانی دانە، چ ئەوێن ل ناڤ مە ده نەمانە و چ ژی ئەوێن کو ھێژ ل ژیانێ ده مانە.
ھەزاران سلاڤ ل گیانێ پاکێ شەھیدێن شۆرشا ئیلۆنێ و ھەموو شەھیدێن رێیا ئازادیێ.
مەسعوود بارزانی
10ێ ئیلۆنا 2019
